ചേളന്നൂര്: ഇരു വൃക്കകളും തകരാറിലായതിനെ തുടര്ന്ന് ചികിത്സയില് കഴിയുന്ന എട്ടേനാലിന് സമീപം മലയില് ഷൈജുവിന്െറ ചികിത്സക്കായി നാട്ടുകാര് കമ്മിറ്റി രൂപവത്കരിച്ചു. ആഴ്ചയില് മൂന്നു പ്രാവശ്യം ഡയാലിസിസ് നടത്തിയാണ് ഷൈജുവിന്െറ ജീവന് നിലനിര്ത്തുന്നത്. ഏഴാം ക്ളാസില് പഠിക്കുന്ന മകള് അപര്ണയും ഒന്നാം ക്ളാസില് പഠിക്കുന്ന അഭിഷേകും ഭാര്യയും അമ്മയും സഹോദരനുമടങ്ങുന്നതാണ് ഷൈജുവിന്െറ കുടുംബം. അമ്പലപ്പാട് ചിറ്റടിമുക്കിനു സമീപം കടയില് ആശാരിപ്പണി ചെയ്താണ് ഷൈജു കുടുംബം പുലര്ത്തിയിരുന്നത്. ജോലിക്കുപോവാതായതോടെ വരുമാനവും നിലച്ചു. വീട്ടിലെ ദൈനംദിന ചെലവിനോടൊപ്പം ചികിത്സക്കുവേണ്ട പണം കണ്ടത്തൊനാവുന്നുമില്ല. തുടര് ചികിത്സ നടത്തി വൃക്കമാറ്റിവെച്ചാല് ഷൈജുവിന് പൂര്ണ ആരോഗ്യത്തോടെ ജീവിതത്തിലേക്ക് തിരിച്ചുവരാമെന്ന് ഡോക്ടര്മാര് പറയുന്നു. ഇതിന് ഭാരിച്ച തുക ആവശ്യമാണ്. ഗ്രാമപഞ്ചായത്ത് രണ്ടാം വാര്ഡ് അംഗം ഷിനീന മലയില് ചെയര്മാനും ടി.പി. ശ്രീജിത്ത് കണ്വീനറുമായി ‘മലയില് ഷൈജു ചികിത്സാ സഹായ കമ്മിറ്റി’യുടെ പേരില് എസ്.ബി.ടി കക്കോടി ശാഖയില് അക്കൗണ്ട് തുടങ്ങിയിട്ടുണ്ട്. നമ്പര്: 67387066372. IFSC Code: SBTR 0000858. ഫോണ്: 9846173095.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.