കൊയിലാണ്ടി: മംഗലാപുരത്ത് ഓഖി ദുരന്തത്തിൽ അകപ്പെട്ട ജോസഫിനെ (63) തേടി ആരുമെത്തിയില്ല. തിരുെനൽവേലി സ്വദേശി ജോസഫ് ചൊവ്വാഴ്ച രാത്രിയാണ് കൊയിലാണ്ടി കടപ്പുറത്തെത്തിയത്. തുടർന്ന് നാട്ടുകാർ പൊലീസ് സ്റ്റേഷനിലെത്തിച്ചു. ഇപ്പോൾ സ്റ്റേഷനിലാണ്. തോപ്പുംപടിയിൽനിന്ന് മറ്റ് രണ്ടു പേരോടൊപ്പം മത്സ്യബന്ധനത്തിനു പോയപ്പോൾ അപകടത്തിൽപെടുകയും തുടർന്ന് രക്ഷപ്പെട്ടശേഷം മംഗലാപുരം ആശുപത്രിയിൽ ചികിത്സക്കുശേഷം ട്രെയിനിൽ കൊയിലാണ്ടിയിലെത്തുകയും ചെയ്തെന്നാണ് ഇദ്ദേഹം പറഞ്ഞത്. വേളാങ്കണ്ണി സ്വദേശി പുഷ്കരെൻറ വള്ളമാണ് ഉപയോഗിച്ചിരുന്നത്. സ്വന്തം മേൽവിലാസം വ്യക്തമായി പറയാത്തത് പ്രയാസം സൃഷ്ടിക്കുന്നു. തിരുെനൽവേലി ഉപരിജില്ലയിലെ ശെൽവപിച്ചെയുടെ മകനാണെന്നു മാത്രമേ പറയുന്നുള്ളൂ. നാട്ടിലേക്കു പോകാൻ ഇയാൾ താൽപര്യം കാട്ടുന്നുമില്ല. അധികൃതരെ വിവരമറിയിച്ചു കാത്തിരിക്കുകയാണ് പൊലീസ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.