ഫറോക്ക്: ബസിറങ്ങി കോളജിലേക്ക് നടന്ന് പോവുകയായിരുന്ന വിദ്യാർഥിനിയെ അതേ ബസിൽനിന്നിറങ്ങിയ യുവാവ് നടുറോഡിലിട്ട് മർദിച്ചു. നാട്ടുകാർ യുവാവിനെ പിടികൂടി പൊലീസിലേൽപിച്ചു. കുണ്ടുങ്ങൽ സ്വദേശി ഷഹദ് (22) നെയാണ് ഫറോക്ക് മല്ലിക തിയറ്ററിന് സമീപം നാട്ടുകാർ പിടികൂടി നല്ലളം പൊലീസിലേൽപിച്ചത്. ബുധനാഴ്ച രാവിലെ ഒമ്പതോടെ ഫറോക്ക് പഴയപാലത്തിന് സമീപമാണ് സംഭവം. കോഴിക്കോട് നിന്നും ഫറോക്കിലേക്കുള്ള സിറ്റി ബസിൽ നിന്ന് മല്ലിക തിയറ്ററിന് സമീപം ബസിറങ്ങിയ യുവതിയെ അതേ ബസിൽനിന്നിറങ്ങിയ യുവാവ് മുഖത്തും ശരീരത്തിലും മർദിക്കുകയായിരുന്നുവെന്ന് ദൃക്സാക്ഷികൾ പറഞ്ഞു. മർദനമേറ്റ യുവതി കരഞ്ഞുകൊണ്ട് സമീപത്തെ എ.ഡബ്ല്യു. എച്ച് കോളജിലേക്ക് ഓടിക്കയറി. ഇത് ശ്രദ്ധയിൽ പെട്ട സമീപത്തെ വ്യാപാരികളും വഴിയാത്രികരുമാണ് കടന്നുകളയാൻ ശ്രമിച്ച യുവാവിനെ പിടികൂടിയത്. തെൻറ കാമുകിയാണെന്ന് യുവാവ് നാട്ടുകാരോട് വ്യക്തമാക്കി. സ്ഥലത്തെത്തിയ പൊലീസ് യുവാവിനെ കസ്റ്റഡിയിലെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.