കോഴിക്കോട്: കഞ്ചാവുമായി ബംഗാൾ സ്വദേശികൾ എക്സൈസ് സംഘത്തിെൻറ പിടിയിലായി. ബർദ്വാൻ സ്വദേശികളായ മൊഹ്ദുൽ ഇസ്ലാം മണ്ഡൽ (35), ഗഡായി ശൈഖ് (48) എന്നിവരെയാണ് ചെലവൂരിൽനിന്ന് എക്സൈസ് നാർക്കോട്ടിക് ഇൻസ്പെക്ടർ എം.കെ. ഗിരീഷിെൻറ നേതൃത്വത്തിലുള്ള സംഘം 60 ഗ്രാം കഞ്ചാവ് സഹിതം പിടികൂടിയത്. കഞ്ചാവ് വലിക്കാനുള്ള ഉപകരണവും ഇവരിൽനിന്ന് പിടിച്ചെടുത്തു. ഇരുവരെയും കോഴിക്കോട് ഒന്നാം ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി റിമാൻഡ് ചെയ്തു. ചെലവൂർ മേഖലയിൽ ഇതര സംസ്ഥാന തൊഴിലാളികൾ കഞ്ചാവ് വിൽപന നടത്തുന്നതായി സി.ഐ എസ്. ഉണ്ണികൃഷ്ണന് വിവരം ലഭിച്ച സാഹചര്യത്തിൽ നടത്തിയ പരിശോധനയിലാണ് ഇരുവരും പിടിയിലായത്. പ്രിവൻറിവ് ഓഫിസർ കെ.പി. റഷീദ്, സിവിൽ എക്സൈസ് ഒാഫിസർമാരായ എസ്. സജു, പ്രവീൺ ഐസക്, പ്രവീൺ പട്ടോത്ത്, പി. ദീപേഷ്, യോഗേഷ് ചന്ദ്ര എന്നിവരാണ് എക്സൈസ് സംഘത്തിലുണ്ടായിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.