മുക്കം: നിലമ്പൂര് -കോഴിക്കോട് റൂട്ടിലെ കെ.എസ്.ആര്.ടി.സി ബസിനുനേരെ മുക്കത്ത് ആക്രമണം. വ്യാഴാഴ്ച രാവിലെ ഏഴോടെ സംസ്ഥാനപാതയില് മുക്കംപാലത്തിന് സമീപമാണ് ആക്രമണം നടന്നത്. പിന്നാലെ എത്തിയ അക്രമികള് ബസിന് കല്ളെറിയുകയായിരുന്നു. നിരവധി യാത്രക്കാര് ബസിലുണ്ടായിരുന്നെങ്കിലും ആര്ക്കും പരിക്കേറ്റില്ല. ആക്രമണത്തില് കെ.എസ്.ആര്.ടി.സി ബസിന്െറ പിറകുവശത്തെ ചില്ല് തകര്ന്നു. രാവിലെ 5.25ന് നിലമ്പൂര് എരുമമുണ്ടയില്നിന്ന് തിരിക്കുന്ന കെ.എസ്.ആര്.ടി.സി ബസ് മെഡിക്കല് കോളജ് വഴിയാണ് പോവുക എന്നതിനാല് നിരവധി യാത്രക്കാരാണ് ആശ്രയിക്കുന്നത്. അതുകൊണ്ടുതന്നെ മാസങ്ങളായി സ്വകാര്യ ബസുകള് ഈ ബസിന്െറ സമയം കവര്ന്ന് സര്വിസ് നടത്തുക പതിവാണ്. ഇതുമായി ബന്ധപ്പെട്ട് നിരവധി പരാതികള് ജീവനക്കാര് കുന്ദമംഗലം പൊലീസ് സ്റ്റേഷനില് നല്കിയിരുന്നു. എന്നാല്, യാതൊരു നടപടിയും ഉണ്ടായില്ല. കെ.എസ്.ആര്.ടി.സി ബസിനുനേയെുണ്ടായ ആക്രമണവുമായി ബന്ധപ്പെട്ട് ജീവനക്കാര് ‘സൂര്യോദയ’ എന്ന സ്വകാര്യ ബസിലെ ജീവനക്കാര്ക്കെതിരെ മുക്കം പൊലീസില് പരാതി നല്കി. സര്ക്കാര് ബസിനെതിരെ നടക്കുന്ന ഇത്തരം ആക്രമണങ്ങള്ക്കെതിരെ കര്ശന നടപടി സ്വീകരിക്കണമെന്ന് കെ.എസ്.ആര്.ടി.സി എംപ്ളോയീസ് അസോസിയേഷന് ജില്ലാ സെക്രട്ടറി സി.എ. പ്രമോദ് പറഞ്ഞു. കെ.എസ്.ആര്.ടി.സി ബസുകള്ക്ക് നേരെ അടുത്തകാലത്തായി സ്വകാര്യ ബസുകളുടെ ആക്രമണം വര്ധിച്ചുവരുന്നതായും പ്രമോദ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.