വണ്ടിപ്പെരിയാർ: പെരിയാർ നദിയിൽ മുങ്ങി മരിച്ച വിദ്യാർഥിക്ക് ജന്മനാടിെൻറ കണ്ണീരിൽ കുതിർന്ന യാത്രാമൊഴി. മ്ലാമല കിരിക്കര കുന്നേപ്പറമ്പിൽ റഷീദിെൻറ (ഷാജി) മകൻ അൽത്താഫാണ് (15) ഞായറാഴ്ച വൈകീട്ട് 5.30ഒാടെ മുങ്ങി മരിച്ചത്. സഹോദരനും കൂട്ടുകാർക്കുമൊപ്പം മ്ലാമല മസ്ജിദിന് സമീപത്തെ കുളിക്കടവിൽ കുളിക്കാനിറങ്ങിയപ്പോൾ നിലതെറ്റി മുങ്ങിത്താഴുകയായിരുന്നു. തിങ്കളാഴ്ച പോസ്റ്റ്മോർട്ടം നടപടികൾക്ക് ശേഷം വീട്ടിലെത്തിച്ച മൃതദേഹം കാണാൻ വൻ ജനാവലിയാണ് എത്തിയത്. മ്ലാമല ഫാത്തിമ മാത സ്കൂളിലെ പത്താം ക്ലാസ് വിദ്യാർഥിയായ അൽത്താഫിന് അന്ത്യോപചാരം അർപ്പിക്കാൻ സഹപാഠികളും അധ്യാപകരും എത്തിയിരുന്നു. മ്ലാമല മുഹ്യിദ്ദീൻ മസ്ജിദ് ഖബർസ്ഥാനിൽ ഖബറടക്കം നടത്തി. കാരിക്കോട്-വെള്ളിയാമറ്റം റോഡ് മുസ്ലിം ലീഗ് ഉപരോധിക്കും തൊടുപുഴ: കാരിക്കോട്-വെള്ളിയാമറ്റം റോഡിെൻറ ശോച്യാവസ്ഥ പരിഹരിക്കാത്തതില് പ്രതിഷേധിച്ച് മുസ്ലിം ലീഗ് മുനിസിപ്പല് കമ്മിറ്റി നേതൃത്വത്തില് ചൊവ്വാഴ്ച ഉപരോധിക്കും. രാവിലെ 11ന് കാരിക്കോട് ജങ്ഷനില് പാർട്ടി സംസ്ഥാന സെക്രേട്ടറിയറ്റ് അംഗം കെ.എം.എ. ഷുക്കൂര് ഉദ്ഘാടനം ചെയ്യും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.