എ.ടി.എമ്മിൽനിന്ന്​ പണമെടുത്തത് ഒരു തവണ; നഷ്​ടമായത് രണ്ടുപ്രാവശ്യം

കാരാട്: എ.ടി.എമ്മിൽനിന്ന് ഒരു തവണ പണം പിൻവലിച്ച അക്കൗണ്ട് ഉടമക്ക് മണിക്കൂറി​െൻറ ഇടവേളയിൽ രണ്ടുതവണ പണം നഷ്ടപ്പെട്ടു. എസ്.ബി.ഐ കൊണ്ടോട്ടി ബ്രാഞ്ചിൽ അക്കൗണ്ടുള്ള ഐക്കരപ്പടി സ്വദേശി വൃന്ദ ശശികുമാറിനാണ് ആഗസ്റ്റ് എട്ടിന് പണം നഷ്ടമായത്. ഐക്കരപ്പടിയിലെ എ.ടി.എമ്മിൽ നിന്നാണ് വൈകീട്ട് ആറോടെ 5000 രൂപ പിൻവലിച്ചത്. വീട്ടിലെത്തി രാത്രി 8.15ഓടെ വീണ്ടും 5000 രൂപ പിൻവലിച്ചതായി ഫോണിൽ സന്ദേശം വന്നു. പിറ്റേന്ന് കൊണ്ടോട്ടി ബ്രാഞ്ചിൽ പരാതി നൽകിയെങ്കിലും ബാങ്കി​െൻറ ഭാഗത്ത് വീഴ്ചയില്ലെന്ന മറുപടിയാണ് രേഖാമൂലം നൽകിയത്. സി.സി.ടി.വി ദൃശ്യങ്ങൾ പരിശോധിച്ച് പണം അപഹരിച്ചവരെ കണ്ടെത്താൻ ബാങ്ക് ശ്രമിച്ചിട്ടില്ലെന്ന ആരോപണമുണ്ട്.