കോട്ടയം: മുക്കൂട്ടുതറയിൽനിന്ന് മാർച്ച് 22ന് കാണാതായ ജസ്ന മരിയ ബംഗളൂരുവിലുണ്ടെന്ന് സ്ഥിരീകരിച്ചു. ബംഗളൂരു മഡിവാളയിലെ ആശ്രയ ഭവനിൽ ജസ്ന ചെറുപ്പക്കാരനൊപ്പം എത്തുകയും പാലാ പൂവരണി സ്വദേശിയായ ജോർജ് എന്ന സന്നദ്ധ പ്രവർത്തകൻ തിരിച്ചറിയുകയുമായിരുന്നെന്ന് ആേൻറാ ആൻറണി എം.പി അറിയിച്ചു. ആശ്രയ ഭവനിലെ ഫാദറിനോട് വിവാഹം നടത്തിത്തരണമെന്ന് ആവശ്യപ്പെട്ട ഇവർ തിരിച്ചറിയപ്പെട്ടതിനെത്തുടർന്ന് അവിടെനിന്ന് മുങ്ങിയതായാണ് വിവരം. ആശ്രയ ഭവൻ അധികൃതർ ജസ്നയുടെ ഫോേട്ടാ തിരിച്ചറിഞ്ഞതായും എം.പി പറഞ്ഞു. കേരള പൊലീസ് വിവരം അറിയിച്ചതിനെത്തുടർന്ന് ബംഗളൂരു പൊലീസ് തിരച്ചിൽ ആരംഭിച്ചിട്ടുണ്ട്. ശനിയാഴ്ച അപകടത്തെത്തുടർന്ന് ഇരുവരും നിംഹാൻസ് ആശുപത്രിയിൽ ചികിത്സതേടിയിരുന്നു. നിംഹാൻസ് ആശുപത്രിയിലെയും ബംഗളൂരു സിറ്റി ട്രാഫിക് പൊലീസിെൻയും സി.സി ടി.വി ദൃശ്യങ്ങൾ പരിശോധിച്ചുവരികയാണ്. അന്വേഷണത്തിെൻറ ഭാഗമായി കേരള പൊലീസ് ബംഗളൂരുവിലേക്ക് തിരിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.