മലപ്പുറം: 18ാമത് പൂക്കോട്ടൂര് ഹജ്ജ് ക്യാമ്പ് ശനി, ഞായർ ദിവസങ്ങളിൽ ഖിലാഫത്ത് കാമ്പസില് നടക്കുമെന്നു ചെയര്മാന് പാണക്കാട് സാദിഖലി ശിഹാബ് തങ്ങള് വാര്ത്തസമ്മേളനത്തില് അറിയിച്ചു. ശനിയാഴ്ച രാവിലെ ഒമ്പതിന് ആരംഭിക്കുന്ന പഠന ക്ലാസിന് എസ്.വൈ.എസ് സംസ്ഥാന സെക്രട്ടറി അബ്ദുസ്സമദ് പൂക്കോട്ടൂര് നേതൃത്വം നല്കും. 9.30ന് പാണക്കാട് ഹൈദരലി ശിഹാബ് തങ്ങള് ഉദ്ഘാടനം ചെയ്യും. പി.കെ. കുഞ്ഞാലിക്കുട്ടി എം.പി ഹജ്ജ് ഗൈഡ് പ്രകാശനവും സംസ്ഥാന ഹജ്ജ് കമ്മിറ്റി ചെയര്മാന് തൊടിയൂര് മുഹമ്മദ്കുഞ്ഞി മൗലവി ഹജ്ജ് സീഡി പ്രകാശനവും നിവഹിക്കും. ഞായറാഴ്ച രാവിലെ ഒമ്പതിനു സമസ്ത പ്രസിഡൻറ് മുഹമ്മദ് ജിഫ്രി മുത്തുകോയ തങ്ങള് ഉദ്ഘാടനം നിർവഹിക്കും. ജനറല് സെക്രട്ടറി കെ. ആലിക്കുട്ടി മുസ്ലിയാര് അധ്യക്ഷത വഹിക്കും. സംസ്ഥാനത്തിെൻറ വിവിധ ഭാഗങ്ങളില്നിന്നായി ഒമ്പതിനായിരത്തോളം പേരാണ് രജിസ്റ്റർ ചെയ്തിരിക്കുന്നത്. ഭക്ഷണവും താമസവും സൗജന്യമാണ്. ദേശീയപാതയില് പൂക്കോട്ടൂര്, അറവങ്കര സ്റ്റോപ്പുകളില് നിന്നായി 21 സ്പെഷല് ബസുകൾ ക്യാമ്പ് നഗരിയിലേക്ക് രാവിലെയും വൈകീട്ടും സൗജന്യമായി ഓടും. ഫോൺ: 0483 2771819, 9895848826.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.