ന്യൂഡൽഹി: പി.എൻ.ബി വായ്പ തട്ടിപ്പുകേസിൽ പ്രതിയും രത്ന വ്യാപാരിയുമായ മെഹുൽ ചോക്സിയെ അറസ്റ്റ് ചെയ്യുന്നത് വിലക്കി പുറപ്പെടുവിച്ച താൽക്കാലിക ഉത്തരവ് ഡൽഹി ഹൈകോടതി പിൻവലിച്ചു. ഇയാൾ അന്വേഷണത്തോട് സഹകരിക്കുന്നില്ലെന്നും ലഭ്യമായ വിലാസങ്ങളിൽ ബന്ധപ്പെടാൻ ശ്രമിച്ചിട്ട് ഫലമുണ്ടായില്ലെന്നും പൊലീസ് അറിയിച്ചതിനെ തുടർന്നാണ് ജസ്റ്റിസ് മുക്ത ഗുപ്ത അറസ്റ്റിൽനിന്നുള്ള സംരക്ഷണം ഒഴിവാക്കാൻ ഉത്തരവിട്ടത്. പഞ്ചാബ് നാഷനൽ ബാങ്കിൽനിന്ന് 12,000 കോടിയോളം രൂപ വായ്പയെടുത്ത് തിരിച്ചടക്കാതെ മുങ്ങിയ കേസിലാണ് ചോക്സി പ്രതി ചേർക്കപ്പെട്ടത്. ഇയാളുടെ മരുമകൻ നീരവ് മോദിയാണ് കേസിലെ മുഖ്യപ്രതി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.