മറയൂർ: ചന്ദന റിസർവിൽ തെരുവുനായ്ക്കളുടെ കടിയേറ്റ് പുള്ളിമാൻ ചത്തു. നാച്ചിവയൽ ഫോറസ്റ്റ് സ്റ്റേഷന് സമീപത്തെ ചന്ദന റിസർവിനുള്ളിൽ പ്രവേശിച്ച നായ്ക്കളാണ് പുള്ളിമാനെ കൂട്ടംചേർന്ന് ആക്രമിച്ചത്. തിങ്കളാഴ്ച രാവിലെ ഏഴോടെയാണ് സംഭവം. പ്രദേശവാസികളും തൊഴിലാളികളുമാണ് നായ്ക്കളെ തുരത്തിയ ശേഷം ഫോറസ്റ്റ് സ്റ്റേഷനിൽ വിവരം അറിയിച്ചത്. വനപാലകർ എത്തി കടിയേറ്റ് അവശനിലയിലായ ഒന്നര വയസ്സോളമുള്ള പുള്ളിമാനെ വനം വകുപ്പിെൻറ വാഹനത്തിൽ നാച്ചിവയൽ ഫോറസ്റ്റ് സ്റ്റേഷനിലാക്കി. ചികിത്സ ൽകാൻ ശ്രമിച്ചെങ്കിലും കുറച്ച് സമയത്തിനുശേഷം പുള്ളിമാൻ ചത്തു. നാച്ചിവയൽ റിസർവിലെ ചന്ദന റിസർവിൽ നൂറുകണക്കിന് പുള്ളിമാൻ, കേഴമാൻ, കൂരമാൻ കൂട്ടങ്ങളാണുള്ളത്. തെരുവുനായ്ക്കളുടെ ആക്രമണത്തിൽ മാനുകൾക്ക് പരിക്കേൽക്കുന്നതും ചാകുന്നതും പതിവാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.