കോട്ടയം: മലങ്കര ഓർത്തഡോക്സ് സുറിയാനി സഭ പരമാധ്യക്ഷനായ ബസേലിയോസ് മാർത്തോമ പൗലോസ് ദ്വിതീയൻ കാതോലിക്കബാവയുടെ പ്രധാന കാർമികത്വത്തിൽ വലിയ നോമ്പിലെ 40ാം വെള്ളിയാഴ്ചയായ 23ന് കോട്ടയം ദേവലോകം കാതോലിക്കേറ്റ് അരമനയിൽ മൂറോൻ കൂദാശ നടക്കും. സഭയിലെ മുഴുവൻ മെത്രാപ്പോലീത്തമാരും വൈദികരും സംബന്ധിക്കും. 2009ൽ ദിദിമോസ് പ്രഥമൻ കാതോലിക്കബാവയാണ് ഏറ്റവും ഒടുവിൽ മൂറോൻ കൂദാശ നടത്തിയത്. ഇപ്പോഴത്തെ കാതോലിക്കബാവ സ്ഥാനാരോഹണം ചെയ്തതിനു ശേഷമുള്ള ആദ്യത്തെ മൂറോൻ കൂദാശയാണിത്. സക്കറിയ മാർ അന്തോണിയോസ് മെത്രാപ്പോലീത്ത അധ്യക്ഷനായ സമിതിയാണ് സുഗന്ധതൈലം നിർമിക്കാനായുള്ള ചേരുവകൾ തയാറാക്കി ഒരുക്കിയത്. ശുശ്രൂഷ സംവിധാനം നിർവഹിക്കുന്നത് ഡോ. മാത്യൂസ് മാർ സേവേറിയോസ് മെത്രാപ്പോലീത്തയാണ്. ഗായകസംഘം നയിക്കുന്നത് ഫാ. ഡോ. എം.പി. ജോർജ്. രാവിലെ 6.30ന് ആരംഭിക്കുന്ന ശുശ്രൂഷ 1.30ന് സമാപിക്കും. കൂദാശ ചെയ്ത മൂറോൻ നിറച്ച കുപ്പി വിശ്വാസികൾ മുത്തുന്നതോടെയാണ് ശുശ്രൂഷകൾക്ക് പരിസമാപ്തിയാകുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.