മൂന്നാര്: ഒന്നിച്ച് വിഷം കഴിച്ചതിനെത്തുടർന്ന് പതിനേഴുകാരി വിദ്യാർഥി മരിച്ച സംഭവത്തിൽ ഉദുമൽപേട്ട സ്വദേശിയായ യുവാവിനെ മൂന്നാർ പൊലീസ് അറസ്റ്റ് ചെയ്തു. കഴിഞ്ഞദിവസം ഹോട്ടല് മുറിയില് വിദ്യാര്ഥിനി മരിച്ച സംഭവത്തില് ഉദുമൽപേട്ട സ്വദേശി സദീഷിനെയാണ് (24) അറസ്റ്റ് ചെയ്തത്. പെണ്കുട്ടിയും യുവാവും ഒരുമിച്ച് വിഷം കഴിച്ചെങ്കിലും പെൺകുട്ടി മാത്രമാണ് മരിച്ചത്. പെൺകുട്ടിയെ മരിച്ചനിലയിലും യുവാവിനെ അവശനിലയിലും കണ്ടെത്തിയ ജീവനക്കാര് മൂന്നാര് ജനറല് ആശുപത്രിയില് എത്തിക്കുകയായിരുന്നു. വ്യാഴാഴ്ച ഇയാളെ ഡിസ്ചാർജ് െചയ്തതോടെയാണ് സി.ഐ സാം ജോസിെൻറ നേതൃത്വത്തില് അറസ്റ്റ് ചെയ്തത്. സദീഷിന് ഭാര്യയും രണ്ടു കുട്ടികളുമുണ്ടെന്ന് അന്വേഷണത്തിൽ വ്യക്തമായി. മാര്ച്ച് 10 നാണ് പ്രായപൂര്ത്തിയാകാത്ത പെണ്കുട്ടിയോടൊപ്പം സദീഷ് മൂന്നാര് സന്ദര്ശനത്തിനെത്തിയത്. സന്ദര്ശനം പെണ്കുട്ടിയുടെ വീട്ടുകാര് അറിഞ്ഞതോടെ ഇരുവരും ജീവെനാടുക്കാൻ തീരുമാനിക്കുകയായിരുെന്നന്നാണ് മൊഴി. പ്രായപൂർത്തിയാകാത്ത പെൺകുട്ടിയെ പീഡിപ്പിച്ചതിനും ആത്മഹത്യ പ്രേരണക്കുറ്റത്തിനടക്കവുമാണ് ഇയാൾക്കെതിരെ കേസെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.