ഒരുങ്ങാം...പെരുന്നാളിന് റമദാൻ രണ്ടാമത്തെ പത്തും പിന്നിട്ടതോടെ െചറിയ പെരുന്നാളിനെ (ഇൗദുൽ ഫിത്ർ) വരവേൽക്കാൻ വിശ്വാസികളോടൊപ്പം വിപണിയും ഒരുങ്ങി. പെരുന്നാൾ സ്പെഷൽ വിഭവങ്ങളൊരുക്കാൻ ഇക്കുറി ചെലവേറുമെന്നാണ് വിപണി നൽകുന്ന സൂചന. ബിരിയാണി, നെയ്യ്ചോറ് എന്നിവ ഒരുക്കാനുള്ള അരിയിനങ്ങൾക്ക് കഴിഞ്ഞ വർഷത്തെ അപേക്ഷിച്ച് വിലയേറി. ബിരിയാണി അരി വില 50 മുതൽ മേലോട്ടാണ്. നോമ്പുതുറക്ക് ഒഴിച്ചുകൂടാൻ വയ്യാത്ത ഇൗത്തപ്പഴത്തിന് 100 മുതൽ 350 രൂപവരെയാണ് വില. പുതുവസ്ത്രങ്ങളും പുത്തൻ ചെരിപ്പുമില്ലാതെ എന്ത് പെരുന്നാൾ ആഘോഷം. പുതുപുത്തൻ ഫാഷനുകളും ഡിസൈനുകളുമായാണ് വസ്ത്രവിപണി ഒരുങ്ങുന്നത്. പെരുന്നാൾ ആഘോഷം പൊലിപ്പിക്കാൻ എല്ലാ റേഞ്ചിലുംപെട്ട വസ്ത്രങ്ങളുടെ വൻ ശേഖരമാണ് ഒരുക്കിയിരിക്കുന്നത്. പർദ, മഫ്ത എന്നിവക്ക് മാത്രമായി പ്രത്യേക വിഭാഗവുമുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.