ചെറുതോണി: ഇടുക്കി അണക്കെട്ട് തുറന്നുവിടേണ്ടിവന്നാൽ സുരക്ഷയൊരുക്കുന്നതിനായി ദേശീയ ദുരന്ത സേനയുടെ ഒരു സംഘം െചന്നൈ ആറക്കോണത്തുനിന്ന് ഇടുക്കിയിലെത്തി. ക്യാപ്റ്റൻ പി.കെ. മീനയുടെ നേതൃത്വത്തിൽ ഏഴു മലയാളികളടങ്ങുന്ന 46അംഗ സംഘമാണ് എത്തിയത്. ഏതുസാഹചര്യത്തിലും സുരക്ഷയൊരുക്കുന്നതിന് പരിശീലനം ലഭിച്ചവരാണിവർ. പൈനാവ് ഗവ. യു.പി ജില്ല സ്കൂളിലാണ് സംഘം ക്യാമ്പ് ചെയ്യുന്നത്. ഇതുകൂടാതെ ആലുപ്പുഴയിലും തൃശൂരും ഓരോ സംഘം കൂടി എത്തിയിട്ടുണ്ട്. ഫൈബർ ബോട്ട്, ലൈഫ് ജാക്കറ്റ്, വലിയ മരങ്ങൾവരെ മുറിക്കുന്നതിനാവശ്യമായ കട്ടർ, വടം, ഐ.ആർ.ബി ബോട്ട്, ഒ.ബി.എം ബോട്ട് എന്നിവയും കൊണ്ടുവന്നിട്ടുണ്ട്. കലക്ടറുടെ നിർദേശാനുസരണം ആവശ്യമായ ക്രമീകരണം നടത്തുമെന്ന് ടീം ക്യാപ്റ്റൻ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.