വൈക്കം: ശക്തമായ കാറ്റിലും മഴയിലും റോഡരികിൽ നിന്ന മരം വൈദ്യുതി ലൈനിന് മുകളിലൂടെ റോഡിനു കുറുകെ കടപുഴകി. ഉടൻ വൈദ്യുതി നിലച്ചതിനാൽ ദുരന്തം ഒഴിവായി. തിങ്കളാഴ്ച ഉച്ചക്ക് 2.30നാണ് അപകടം. നഗരസഭ-ഫിഷർമെൻ കോളനി റോഡിൽ പൊലീസ് ക്വാർട്ടേഴ്സിനു സമീപം നിന്ന കൂറ്റൻ പരുത്തിമരമാണ് നിലംപൊത്തിയത്. മരംവീണതിനെ തുടർന്ന് ഇതുവഴിയുള്ള ഗതാഗതവും ഒരു മണിക്കൂറോളം തടസ്സപ്പെട്ടു. അസി. സ്റ്റേഷൻ ഓഫിസർ ടി. ഷാജികുമാറിെൻറ നേതൃത്വത്തിലുള്ള ഫയർ യൂനിറ്റെത്തി മരം വെട്ടിമാറ്റിയ ശേഷമാണ് ഗതാഗതം പുനഃസ്ഥാപിച്ചത്. കെ.എസ്.ഇ.ബി അധികൃതരെത്തി ലൈനിലെ പ്രശ്നങ്ങൾ പരിഹരിച്ച ശേഷം വൈകീട്ടോടെയാണ് വൈദ്യുതി ബന്ധം പുനഃസ്ഥാപിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.