ലോറി തട്ടി ​തകർന്ന വൈദ്യുതി​ പോസ്​റ്റ്​ വീണ്​ യുവാവിന്​ ഗുരുതര പരിക്ക്

മണർകാട്: ലോറി തട്ടി തകർന്ന വൈദ്യുതി പോസ്റ്റ് ദേഹത്ത് വീണ് കോഴി ഫാം ജീവനക്കാരന് ഗുരുതര പരിക്ക്. പള്ളിക്കത്തോട് അമ്പാട്ടുകുന്നേൽ സനുവിനാണ് (26) പരിക്കേറ്റത്. ഞായറാഴ്ച ഉച്ചക്കുശേഷം മണർകാട് ഫൗൾട്രി ഫാമിന് സമീപമായിരുന്നു അപകടം. ഫാമിലേക്ക് കോഴിത്തീറ്റയുമായി എത്തിയ നാഷനൽ പെർമിറ്റ് ലോറിയാണ് അപകടം വിതച്ചത്. സനുവും മറ്റ് രണ്ടുപേരും കൂടി ലോറിയിൽനിന്ന് കോഴിത്തീറ്റ ഇറക്കി. ഇതിനുശേഷം ലോറി മുന്നോട്ടെടുത്തപ്പോൾ ഇതി​െൻറ വശത്തെ കൊളുത്ത് പോസ്റ്റിൽ തട്ടുകയും ഇത് ഒടിഞ്ഞ് സമീപത്തുനിന്ന സനുവി​െൻറ ദേഹത്ത് വീഴുകയായിരുന്നു. ഗുരുതര പരിക്കേറ്റ ഇയാളെ ഉടൻ കോട്ടയം മെഡിക്കൽ കോളജ് ആശുപത്രിയിൽ എത്തിച്ചു. പിന്നീട് സർജറി തീവ്രപരിചരണ വിഭാഗത്തിലേക്ക് മാറ്റിയ ഇയാളുടെ നില ഗുരുതരമായി തുടരുകയാണെന്ന് ഡോക്ടർമാർ പറഞ്ഞു.