നവാസ് ശരീഫിനെ ആശുപത്രിയിൽനിന്ന് ജയിലിലേക്ക് മാറ്റി ഇസ്ലാമാബാദ്: ആരോഗ്യനിലയിൽ പുരോഗതിയുണ്ടായതിനെ തുടർന്ന് പാകിസ്താൻ മുൻ പ്രധാനമന്ത്രി നവാസ് ശരീഫിെന ആശുപത്രിയിൽനിന്ന് ജയിലിലേക്ക് മാറ്റി. ഞായറാഴ്ച രാത്രിയാണ് ശാരീരികാസ്വാസ്ഥ്യമുണ്ടായതിനെ തുടർന്ന് ശരീഫിനെ പാകിസ്താൻ ഇൻസ്റ്റിറ്റ്യൂട്ട് ഒാഫ് മെഡിക്കൽ സയൻസസിലെ കാർഡിയാക് സെൻററിൽ പ്രവേശിപ്പിച്ചത്. ചികിത്സയെ തുടർന്ന് നടത്തിയ വിദഗ്ധ പരിശോധനകളിൽ ആരോഗ്യനില മെച്ചപ്പെട്ടതോടെയാണ് ജയിലിലേക്ക് മാറ്റിയതെന്ന് സർക്കാർ വൃത്തങ്ങൾ അറിയിച്ചു. ലണ്ടനിൽ ആഡംബര വസതികൾ വാങ്ങിയതുമായി ബന്ധപ്പെട്ട കേസിൽ 10 വർഷം തടവിന് വിധിക്കപ്പെട്ട ശരീഫ് ജൂലൈ 13 മുതൽ ജയിൽശിക്ഷ അനുഭവിക്കുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.