ചാരുംമൂട്: കെ.എസ്.ഇ.ബി ഇടപ്പോൺ 220 കെ.വി സബ് സ്റ്റേഷനിൽ 110 കെ.വി ബസിലെ തകരാർ പരിഹരിക്കുന്നതിെൻറ ഭാഗമായി ഞായറാഴ്ച പത്തനംതിട്ട ജില്ലയിൽ പൂർണമായും ആലപ്പുഴ, കൊല്ലം ജില്ലകളിൽ ഭാഗികമായും വൈദ്യുതി മുടങ്ങും. രാവിലെ 8.30ന് തുടങ്ങി ഉച്ചക്ക് 12.30ന് തകരാർ പരിഹരിക്കുംവിധമാണ് ക്രമീകരണമൊരുക്കിയിരിക്കുന്നത്. പത്തനംതിട്ട, റാന്നി, കോഴഞ്ചേരി, ചെങ്ങന്നൂർ, മാവേലിക്കര, കായംകുളം 110 കെ.വി സബ് സ്റ്റേഷനുകളിലും അടൂർ 66 കെ.വി സബ്സ്റ്റേഷനും കറ്റാനം, വള്ളികുന്നം, ഓച്ചിറ, മാന്നാർ, കോന്നി, റാന്നി-പെരിനാട് 33 കെ.വി സബ് സ്റ്റേഷനുകളിലും ഇടപ്പോൺ സബ്സ്റ്റേഷനിലെ 11 കെ.വി ഫീഡറുകളിലുമാണ് പൂർണമായും വൈദ്യുതി മുടങ്ങുന്നത്. തകരാർ പരിഹരിക്കുന്നതിനെത്തുടർന്ന് പത്തനംതിട്ട ജില്ലയിൽ പൂർണമായും ആലപ്പുഴ ജില്ലയുടെ തെക്കൻ ഭാഗങ്ങളിലും കൊല്ലം ജില്ലയുടെ വടക്കൻ ഭാഗങ്ങളിലും ഭാഗികമായുമാണ് വൈദ്യുതി നിലക്കുക. പുന്നപ്ര, പള്ളം എന്നീ 220 കെ.വി സബ് സ്റ്റേഷനുകളിൽനിന്നുള്ള വൈദ്യുതി ഉപയോഗിച്ച് കായംകുളം, മാവേലിക്കര, ചെങ്ങന്നൂർ, മാന്നാർ സബ് സ്റ്റേഷനുകളുടെ പരിധിയിൽ ഭാഗികമായി വിതരണം നിലനിർത്താനുള്ള ക്രമീകരണങ്ങൾ ചെയ്തിട്ടുണ്ടെന്ന് മാവേലിക്കര ട്രാൻസ്മിഷൻ ഡിവിഷൻ എക്സിക്യൂട്ടിവ് എൻജിനീയർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.