ഗാന്ധിനഗർ (കോട്ടയം): അയൽവാസിയുടെ വളർത്തുനായ്ക്കൾ കടിച്ച് പത്തുവയസ്സുകാരിക്ക് ഗുരുതര പരിക്ക്. അതിരമ്പുഴ ശ്രീകണ്ഠമംഗലം തുരുത്തേൽ ജിനോയുടെ മകൾ അമൃതക്കാണ് കടിയേറ്റത്. തിങ്കളാഴ്ച വൈകീട്ട് അഞ്ചിന് വീടിന് സമീപത്തായിരുന്നു സംഭവം. അമൃതയും കുട്ടുകാരും കൂടി വീടിന് സമീപത്തെ പറമ്പിൽ കളിച്ചുകൊണ്ടിരിക്കെ അയൽവക്കത്തെ നാല് നായ്കൾ ഒാടിവന്നു. എല്ലാവരും കരഞ്ഞുകൊണ്ട് ഒാടിയെങ്കിലും അമൃതക്ക് രണ്ട് നായ്ക്കളുടെ കടിയേറ്റു. ഇടതുകാലിെൻറ തുടയിലും വലതുകാലിെൻറ മുട്ടിന് മേൽഭാഗത്തും മുട്ടിെൻറ പിൻഭാഗത്തുമായി അഞ്ച് സ്ഥലങ്ങളിൽ കടിയേറ്റിട്ടുണ്ട്. മെഡിക്കൽ കോളജിൽ പ്രവേശിപ്പിച്ച കുട്ടിക്ക് പ്രതിരോധ കുത്തിവെപ്പ് നൽകി. നായ്ക്കളെ അഴിച്ചുവിടരുതെന്ന് പലതവണ പറഞ്ഞിട്ടും അയൽവാസി കേൾക്കാൻ തയാറായിട്ടില്ലെന്ന് അമൃതയുടെ രക്ഷിതാക്കൾ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.