ഈരാറ്റുപേട്ട: പ്രൈമറി ഹെല്ത്ത് സെൻറര് താലൂക്ക് ആശുപത്രിയായി ഉയര്ത്തണമെന്ന് ഈരാറ്റുപേട്ട നഗരസഭ കൗണ്സില് െഎകകണ്േഠ്യന പ്രമേയം പാസാക്കി. ആരോഗ്യ സ്റ്റാൻഡിങ് കമ്മിറ്റി ചെയര്മാന് പി.എച്ച്. ഹസീബ് അവതരിപ്പിച്ച പ്രമേയത്തെ എൽ.ഡി.എഫ്, യു.ഡി.എഫ്, എസ്.ഡി.പി.ഐ, ജനപക്ഷം കൗണ്സിലര്മാര് പിന്തുണച്ചു. പ്രമേയം എം.എല്.എ, ആരോഗ്യമന്ത്രി, മുഖ്യമന്ത്രി എന്നിവര്ക്ക് നല്കുമെന്ന് അധ്യക്ഷന് ടി.എം. റഷീദ് പറഞ്ഞു. 1.20 കോടിയുടെ മാര്ക്കറ്റ് ഷോപ്പിങ് കോംപ്ലക്സ്, 80 ലക്ഷം രൂപ മുടക്കി നിർമിക്കുന്ന മാലിന്യനിര്മാര്ജന പ്ലാൻറുകൾ, 38 ലക്ഷം രൂപ മുടക്കി നഗരസഭ മന്ദിരം പുനരുദ്ധാരണം, 14 ലക്ഷം രൂപ മുടക്കി തെക്കേക്കര പാലത്തിനു സമീപം കംഫര്ട്ട് സ്റ്റേഷൻ, വിവിധ റോഡുകളുടെ ടാറിങ് വര്ക്കുകള് തുടങ്ങിയവ വ്യാഴാഴ്ച ആരംഭിക്കുമെന്ന് ചെയർമാൻ പറഞ്ഞു. താൽക്കാലിക ജീവനക്കാരെ പിരിച്ചു വിടുന്നത് സംബന്ധിച്ച പ്രമേയവും കൗണ്സില് അംഗീകരിച്ചു. സ്ഥിരം ജീവനക്കാര് വരുന്ന മുറക്ക് താൽക്കാലികക്കാരെ പിരിച്ചു വിടും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.