എരുമേലി: അപകടത്തില്പെട്ട വാഹനത്തില്നിന്ന് കഞ്ചാവ് കണ്ടെടുത്തു. ഇതുമായി ബന്ധപ്പെട്ട് കൊല്ലം സ്വദേശികളായ കല്ലുംമൂട്ടില് തെക്കേല് ഷെഫീഖ് (24), പുത്തന്പീടികയില് ജവാദ് (23) എന്നിവരെ പൊലീസ് അറസ്റ്റ് ചെയ്തു. എരുമേലി പ്രൈവറ്റ് ബസ്സ്റ്റാന്ഡിന് സമീപത്തെ ബിവറേജസ് ഒൗട്ട്ലെറ്റിന്െറ മുന്വശത്ത് വെള്ളിയാഴ്ച രാവിലെ ഇടിച്ചു കയറിയ കാറില്നിന്നാണ് രണ്ടു പൊതിയിലായി മൂന്നരക്കിലോയോളം കഞ്ചാവ് പൊലീസ് കണ്ടെടുത്തത്. വെള്ളിയാഴ്ച രാവിലെ ഏഴിന് മുണ്ടക്കയത്തുനിന്ന് എരുമേലിയിലേക്ക് വരികയായിരുന്ന കാര് എരുമേലിയിലെ ബിവറേജ് ഒൗട്ട്ലെറ്റിന് മുന്വശം തകര്ത്ത് സമീപത്തെ മറ്റൊരു വ്യാപാരസ്ഥാപനത്തിനു മുന്വശത്ത് ഇടിച്ചുനില്ക്കുകയായിരുന്നു. നിസ്സാര പരിക്കുകളോടെ രക്ഷപ്പെട്ട കാര് യാത്രികരായ യുവാക്കള് ആശുപത്രിയിലേക്കെന്ന പേരില് അപകടസ്ഥലത്തു നിന്നും പോകുകയായിരുന്നുവെന്ന് പ്രദേശവാസികള് പറഞ്ഞു. പൊലീസിന് ലഭിച്ച രഹസ്യവിവരത്തെ തുടര്ന്ന് നടത്തിയ പരിശോധനയിലാണ് കാറിനടിയില് ഒളിപ്പിച്ച നിലയില് കഞ്ചാവ് കണ്ടെടുത്തത്. തുടര്ന്ന് പ്രതികള്ക്കായി നടത്തിയ തിരച്ചിലിലാണ് ഇരുവരും പിടിയിലായത്. അപകടസമയം കാറില് നാലോളം പേരുണ്ടായിരുന്നുവെന്നും മറ്റു രണ്ടുപേര്ക്കായി പൊലീസ് തിരച്ചില് ഊര്ജിതമാക്കിയെന്നും എരുമേലി എസ്.ഐ ജര്ലിന് വി. സ്കറിയ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.