മൂന്നാര്: മൂന്നാറില് വീണ്ടും കടുവയുടെ ആക്രമണത്തില് പശുക്കള് ചത്തു. കണ്ണന് ദേവന് കമ്പനി പെരിയവാര ആനമുടി ഡിവിഷനില് താമസിക്കുന്ന തൊഴിലാളികളായ മാരിച്ചാമി, തവമണി എന്നിവരുടെ ഗര്ഭിണികളായ പശുക്കളാണ് കടുവയുടെ ആക്രമണത്തില് ചത്തത്. മാരിച്ചാമിയുടെ പശു മൂന്നു മാസവും തവണമണിയുടെ പശു ഒമ്പതു മാസവും ഗര്ഭിണിയായിരുന്നു. എസ്റ്റേറ്റില്നിന്ന് 100 മീറ്റര് മാത്രം അകലെയുള്ള കാട്ടില് മേയാന്പോയ പശുക്കളെ ബുധനാഴ്ച രാത്രിയാണ് കാണാതായത്. പുലര്ച്ചെ നടത്തിയ തിരച്ചിലില് എസ്റ്റേറ്റിന് സമീപത്തെ 16ാം നമ്പര് കാട്ടില് കടുവ കടിച്ചനിലയില് പശുക്കളെ കണ്ടത്തെുകയായിരുന്നു. കടുവയുടെ ആക്രമണത്തില്നിന്ന് രക്ഷപ്പെട്ട് ഓടാന് ശ്രമിക്കവെ മാരിച്ചാമിയുടെ പശുവിന്െറ തല പാറയിടുക്കില് വീണ് ഒടിഞ്ഞു. തവമണിയുടെ പശുവിന്െറ അകിട് കടിച്ചുതിന്ന നിലയിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.