കോട്ടയം: ലീഗല് മെട്രോളജി വകുപ്പ് ജില്ലയില് 15 കേസെടുത്തു. വിവിധ വ്യാപാര സമുച്ചയങ്ങള്, വന്കിട സൂപ്പര് മാര്ക്കറ്റുകള് എന്നിവ കേന്ദ്രീകരിച്ച് നടത്തിയ മിന്നല് പരിശോധനയിലാണ് നിയമലംഘനങ്ങള് കണ്ടത്തെിയത്. പിഴയിനത്തില് 27000 രൂപ ഈടാക്കി. യഥാസമയം മുദ്ര പതിപ്പിക്കാത്ത അളവുതൂക്ക ഉപകരണങ്ങള് വ്യാപാര ആവശ്യത്തിന് ഉപയോഗിക്കുന്നതായും കണ്ടത്തെി. നിയമാനുസരണം ആവശ്യമായ പ്രഖ്യാപനങ്ങള് രേഖപ്പെടുത്തിയിട്ടില്ലാത്ത പാക്കറ്റുകള് വില്പനക്ക് പ്രദര്ശിപ്പിക്കുക, ഉല്പന്നങ്ങള്, പായ്ക്ക് ചെയ്ത വിപണനം നടത്തുന്നതിനുള്ള പാക്കിങ് ലൈസന്സ് എടുക്കാതിരിക്കുക എന്നീ കുറ്റങ്ങള്ക്കാണ് കേസ് രജിസ്റ്റര് ചെയ്തത്. പാക്ക് ചെയ്ത ഉല്പന്നങ്ങളുടെ തൂക്കം ഉപഭോക്താക്കള്ക്ക് നേരിട്ട് അറിയാന് ഒരു ഗ്രാം കൃത്യതയുള്ള ഇലക്ട്രോണിക്സ് ത്രാസ് വ്യാപാര സ്ഥാപനങ്ങളില് സ്ഥാപിച്ചിരിക്കണം. ഈ ത്രാസില്ലാത്ത വ്യാപാര സ്ഥാപനങ്ങള്ക്കെതിരെയും കേസ് രജിസ്റ്റര് ചെയ്തിട്ടുണ്ട്. വരും ദിവസങ്ങളില് പരിശോധന കൂടുതല് മേഖലകളിലേക്ക് വ്യാപിപ്പിക്കുമെന്ന് പരിശോധനക്ക് നേതൃത്വം നല്കിയ അസി. കണ്ട്രോളര്മാര് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.