തലയോലപ്പറമ്പ്: വൈദ്യുതി കമ്പിയില്തട്ടി ചരക്കുലോറിക്ക് തീപിടിച്ചു. വന്ദുരന്തം ഒഴിവായി. ചൊവ്വാഴ്ച വൈകീട്ട് ആറിന് തലയോലപ്പറമ്പിന് സമീപം പാലാംകടവിലാണ് സംഭവം. ലോറിനിറയെ പഴങ്ങള് നിറച്ച പ്ളാസ്റ്റിക് ബോക്സുകളായിരുന്നു. പഴങ്ങള് കേടാകാതിരിക്കാന് വൈക്കോല് ബോക്സുകള്ക്കിടയില് നിറച്ചിരുന്നു. വൈദ്യുതി കമ്പിയില്നിന്ന് തീപടര്ന്നയുടന് വൈക്കോലുകള് കത്തുകയായിരുന്നു. തലയോലപ്പറമ്പ് പൊലീസ്, കടുത്തുരുത്തി അഗ്നിശമനസേന എന്നിവയുടെ നേതൃത്വത്തില് തീയണച്ചതിനാല് വന്ദുരന്തം ഒഴിവാകുകയായിരുന്നു. ലോറി പിന്നോട്ടെടുത്തപ്പോള് വൈദ്യുതി കമ്പിയില് തട്ടുകയായിരുന്നു. ആപ്പിള്, ഓറഞ്ച്, മുന്തിരി തുടങ്ങിയ പഴങ്ങളാണ് കത്തിപ്പോയത്. ലക്ഷങ്ങളുടെ നഷ്ടം കണക്കാക്കുന്നതായി ലോറിയുടമ പറഞ്ഞു. തലയോലപ്പറമ്പിലെ പഴങ്ങളുടെ മൊത്തവ്യാപാരകമ്പനിയായ ഫാത്തിമ ഫ്രൂട്സിലേക്ക് തമിഴ്നാട്ടില്നിന്ന് പഴങ്ങളുമായിവന്ന ലോറിക്കാണ് തീപിടിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.