കോട്ടയം: കലക്ടറേറ്റ് മാര്‍ച്ചിനിടെയുണ്ടായ സംഘര്‍ഷവുമായി ബന്ധപ്പെട്ട് ആറ് ബി.ജെ.പി പ്രവര്‍ത്തകര്‍ അറസ്റ്റില്‍. ബി.ജെ.പി ജില്ല പ്രസിഡന്‍റ് എന്‍. ഹരി അടക്കം കണ്ടാലറിയാവുന്ന 350 പേര്‍ക്കെതിരെയാണ് പൊലീസ് കേസെടുത്തിരിക്കുന്നത്. തൃക്കൊടിത്താനം പാലമൂട്ടില്‍ ജിഷ്ണു (26), കുന്നേല്‍ വീട്ടില്‍ അരുണ്‍ (20), വൈക്കം കാട്ടാപ്പള്ളിയില്‍ ഷൈജു (42), പാറമ്പുഴ മനുനിവാസില്‍ മനു (36), വടവാതൂര്‍ ശ്രീനിലയം ശ്രീനിവാസ് (38), വാകത്താനം പടിഞ്ഞാറേപ്പീടികയില്‍ സുമേഷ് (27) എന്നിവരെയാണ് ഈസ്റ്റ് പൊലീസ് അറസ്റ്റ് ചെയ്തത്. സംഭവ സ്ഥലത്തുനിന്ന് പിടികൂടിയ ഇവര്‍ക്കെതിരെ പൊലീസിനെ ആക്രമിച്ചതിനും ഡ്യൂട്ടി തടസ്സപ്പെടുത്തിയതിനുമാണു കേസ്. പിടികൂടിയവരെ കോടതി റിമാന്‍ഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.