ഈരാറ്റുപേട്ട: പീരുമേട് ഹൈവേയില് സംരക്ഷണ ഭിത്തിയിടിഞ്ഞ് പി.ഡബ്ള്യു.ഡി റോഡ് അപകടാവസ്ഥയിലായി. നടയ്ക്കല് തേക്കടിമുക്ക് ഭാഗത്താണ് മാസങ്ങളായി സംരക്ഷണഭിത്തി ടാറിങ്ങിന്െറ സമീപത്തുവരെ ഇടിഞ്ഞത്. കാടുകയറിയതു മൂലം ഇടിഞ്ഞ ഭാഗം ഡ്രൈവര്മാരുടെ ശ്രദ്ധയില്പെട്ടെന്നു വരില്ല.ഈ ഭാഗം കൊടുംവളവും വീതികുറവും കാരണം എതിര്ഭാഗത്തുനിന്ന് വരുന്ന വാഹനം കാണാന് സാധിക്കില്ല. എതിര്ദിശയില്നിന്ന് വരുന്ന വാഹനത്തിന് സൈഡ് കൊടുക്കുമ്പോള് ഭിത്തിയിടിഞ്ഞാല് വാഹനം 50 അടിയോളം താഴ്ചയിലേക്ക് പതിക്കാം. വാഗമണ്, ഇല്ലിക്കകല്ല് തുടങ്ങിയ വിനോദസഞ്ചാര കേന്ദ്രങ്ങളിലേക്കുള്ള നൂറുകണക്കിന് വാഹനങ്ങളാണ് ഇതിലെ ദിനംപ്രതി പോകുന്നത്. നാട്ടുകാര് നിരവധി തവണ അധികാരികളെ അറിയിച്ചെങ്കിലും പ്രശ്നം പരിഹരിച്ചിട്ടില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.