കോട്ടയം: വിദേശത്ത് ജോലി വാഗ്ദാനം ചെയ്ത് തട്ടിപ്പുനടത്തിയ വൈക്കം സ്വദേശി അറസ്റ്റില്. വൈക്കത്ത് ഷാരോണ് കണ്സല്ട്ടന്സി സര്വിസ് എന്ന പേരില് സ്ഥാപനം നടത്തിയിരുന്ന വൈക്കം സ്വദേശി എം.എ. ആന്റണിയെയാണ് (56) ക്രൈംബ്രാഞ്ച് തിങ്കളാഴ്ച അറസ്റ്റ്ചെയ്തത്. മാസങ്ങള്ക്ക് മുമ്പ് കോട്ടയം സ്വദേശിനിയായ ബിന്സി തോമസ് എന്ന യുവതിയുടെ പക്കല്നിന്ന് കാനഡയില് ജോലിവാങ്ങി നല്കാമെന്നുപറഞ്ഞ് വന്തുക കൈപ്പറ്റിയെന്ന പരാതിയിലാണ് അറസ്റ്റ്. ബിന്സി മുഖ്യമന്ത്രി ഉമ്മന് ചാണ്ടിക്ക് നല്കിയ പരാതി അദ്ദേഹം കോട്ടയം ക്രൈംബ്രാഞ്ചിന് കൈമാറുകയായിരുന്നു. ക്രൈംബ്രാഞ്ച് സി.ഐ അനില്കുമാര്, എസ്.ഐ ഉദയകുമാര്, എ.എസ്.ഐ അശോകന്, ക്രൈംബ്രാഞ്ച് ഉദ്യോഗസ്ഥരായ സുനില്, രാജേഷ് എന്നിവര് ചേര്ന്നാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.