അഞ്ചൽ: പാതയോരെത്ത വർഷങ്ങൾ പഴക്കമുള്ള കൂറ്റൻ മരങ്ങളുടെ ചില്ലകൾ വൈദ്യുതി ലൈനിൽ തട്ടി നിൽക്കുന്നത് നാട്ടുകാർക്കും യാത്രക്കാർക്കും ഭീഷണിയാകുന്നു. അഞ്ചൽ^ആയൂർ പാതയോരത്തെ വാക, മാവ്, ഇലവ് മുതലായ മരങ്ങളാണ് ഏത് സമയവും നിലംപൊത്താമെന്ന അവസ്ഥയിലുള്ളത്. കഴിഞ്ഞ ദിവസം അഞ്ചൽ വട്ടമൺ പാലത്തിന് സമീപം വാകമരം റോഡിലേക്കുവീണ് വാഹനഗതാഗതം തടസ്സപ്പെട്ടിരുന്നു. പൊലീസും ഫയർഫോഴ്സും എത്തി മരം മുറിച്ചുമാറ്റിയാണ് ഗതാഗതം പുനഃസ്ഥാപിച്ചത്. തൊട്ടടുത്ത് നിൽക്കുന്ന ചില മരങ്ങൾ ഏതുസമയവും നിലംപതിക്കുന്ന സ്ഥിതിയിലാണ്. പലതിെൻറയും ചില്ലകൾ ഇലക്ട്രിക് ലൈനിെൻറയും ട്രാൻസ്ഫോർമറിെൻറയും മുകളിലൂടെയാണ് വളർന്നുകിടക്കുന്നത്. കാറ്റ് വീശുമ്പോൾ ലൈനുകൾ കൂട്ടിമുട്ടി ഫ്യൂസ് കത്തി വൈദ്യുതി വിതരണം തടസ്സപ്പെടുന്നത് പതിവാണ്. മിക്ക മരങ്ങളും ചുവട് ദ്രവിച്ചാണ് പിഴുതുവീഴുന്നത്. ഇതൊഴിവാക്കുന്നതിനായി അപകടകരമായ മരങ്ങളോ ചില്ലകളോ മുറിച്ചുമാറ്റണമെന്നാണ് നാട്ടുകാരുടെ ആവശ്യം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.