കൊല്ലം: കൊല്ലം ലോക്സഭാ മണ്ഡലത്തിലെ റെയില്വേ നിര്മാണ പ്രവര്ത്തനങ്ങളുടെ പുരോഗതി വിലയിരുത്താന് തിങ്കളാഴ്ച രാവിലെ 11ന് ചെന്നൈയില് ഉന്നതതലയോഗം ചേരും. ദക്ഷിണ റെയില്വേ നിര്മാണപ്രവര്ത്തനങ്ങളുടെ ചുമതലയുള്ള ചീഫ് അഡ്മിനിസ്ട്രേറ്റിവ് ഓഫിസര് പി.കെ. മിശ്രയുടെ ഓഫിസില് ചേരുന്ന യോഗത്തില് നിര്മാണപ്രവര്ത്തനങ്ങളുമായി ബന്ധപ്പെട്ട ഉന്നത ഉദ്യോഗസ്ഥര് പങ്കെടുക്കും. പുനലൂര്-ചെങ്കോട്ട ഗേജ്മാറ്റ പ്രവൃത്തികള്, റെയില്വേ സ്റ്റേഷനുകളുടെ ആധുനീകരണം, കൊല്ലം റെയില്വേ സ്റ്റേഷന് രണ്ടാം ടെര്മിനല്, റെയില്വേ മേല്പാലങ്ങള്, അടിപ്പാതകള്, മറ്റു അനുബന്ധ നിര്മാണപ്രവൃത്തികള് എന്നിവ ചര്ച്ചചെയ്യുമെന്ന് എന്.കെ. പ്രേമചന്ദ്രന് എം.പി അറിയിച്ചു. ട്രെയിനുകളുടെ സമയമാറ്റം, പുനലൂര്-കന്യാകുമാരി ട്രെയിനിന്െറ കമ്പാര്ട്ട്മെന്റുകള് കുറച്ചത്, തിരുവനന്തപുരത്തുനിന്ന് കൊല്ലത്തേക്ക് രാവിലെ 8.30നും കൊല്ലത്തുനിന്ന് തിരുവനന്തപുരത്തേക്ക് 4.30നും പുതിയ ട്രെയിന് സര്വിസുകള് ആരംഭിക്കുക, മെമു ട്രെയിനുകള് വര്ധിപ്പിക്കുക, ട്രെയിനുകളുടെ സമയമാറ്റം ക്രമീകരിക്കുക തുടങ്ങിയ വിഷയങ്ങള് യോഗത്തില് ചര്ച്ച ചെയ്യുമെന്നും എം.പി അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.