കിളികൊല്ലൂര്: ചാത്തിനാംകുളത്ത് ഡി.വൈ.എഫ്.ഐ പ്രവര്ത്തകനെ മര്ദിച്ച സംഭവത്തില് രണ്ട് എസ്.ഡി.പി.ഐ പ്രവര്ത്തകര് അറസ്റ്റില്. എസ്.ഡി.പി.ഐ ബ്രാഞ്ച് പ്രസിഡന്റ് ചാത്തിനാംകുളം ഷാജു നിവാസില് ഷൈജു (32), ആറാട്ടില് കിഴക്കതില് നൗഷാദ് (35) എന്നിവരെയാണ് കിളികൊല്ലൂര് പൊലീസ് അറസ്റ്റ് ചെയ്തത്. ചാത്തിനാംകുളം ഇഞ്ചാണിമുക്ക് കൊട്ടിലില് ഹൗസില് നിയാസിനാണ് മര്ദനമേറ്റത്. ചാത്തിനാംകുളം പത്തായക്കല്ലിന് സമീപം ബുധനാഴ്ച സന്ധ്യയോടെയാണ് സംഭവം. ബൈക്കിലത്തെിയ സംഘം നിയാസിനെ മര്ദിച്ച് അവശനാക്കിയശേഷം രക്ഷപ്പെടുകയായിരുന്നു. കാല്മുട്ടുകള്ക്ക് ഗുരുതര പരിക്കേറ്റ നിയാസ് തിരുവനന്തപുരത്തെ ഫോര്ട്ട് ആശുപത്രിയില് ചികിത്സയിലാണ്. രണ്ടുമാസം മുമ്പ് ഷൈജുവിന്െറ വീട്ടില് കയറി അഞ്ചംഗസംഘം എസ്.ഡി.പി.ഐ വനിതാവിഭാഗം ജില്ലാ പ്രസിഡന്റും ഷൈജുവിന്െറ ഭാര്യയുമായ ഷംലയെയും മാതാവിനെയും മര്ദിച്ചിരുന്നു. ഈ കേസില് പ്രതിയായ നിയാസ് ജാമ്യത്തില് കഴിയുകയായിരുന്നെന്ന് പൊലീസ് പറയുന്നു. വീട് കയറി ആക്രമിച്ചതിന്െറ വിരോധമാണ് അക്രമത്തിന് പിന്നിലെന്നും പൊലീസ് പറഞ്ഞു. നിയാസിനെ മര്ദിച്ചതില് പ്രതിഷേധിച്ച് സി.പി.എം-ഡി.വൈ.എഫ്.ഐ പ്രവര്ത്തകര് ചാത്തിനാംകുളം, ചന്ദനത്തോപ്പ് ഭാഗങ്ങളില് ഹര്ത്താല് ആചരിച്ചു. വൈകീട്ട് പ്രതിഷേധപ്രകടനവും യോഗവും നടത്തി. സംഘര്ഷാവസ്ഥ കണക്കിലെടുത്ത് സ്ഥലത്ത് കൂടുതല് പൊലീസ് ക്യാമ്പ് ചെയ്യുന്നുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.