തെരുവുനായ്ക്കൾ തുരുത്ത് ഗ്രാമത്തിന് ഭീഷണിയാകുന്നു

തുരുത്ത് ഗ്രാമത്തിൽ തെരുവുനായ്ക്കൾ ഭീഷണി ആലുവ: നഗരത്തോട് ചേർന്ന തുരുത്ത് ഗ്രാമത്തിൽ തെരുവുനായ്ക്കൾ വിലസുന്നു. കൂട്ടമായി എത്തുന്ന നായ്ക്കൾ നാട്ടുകാരുടെ സ്വൈരജീവിതത്തിന് ഭീഷണിയാണ്. വിദ്യാർഥികളും കാൽനടയാത്രികരും ഭീതിയോടെയാണ് പോകുന്നത്. പ്രഭാതസവാരിക്കിറങ്ങുന്നവർ ആക്രമണം ഭയന്ന് നടത്തം ഒഴിവാക്കുന്നു. വളർത്തുമൃഗങ്ങളും നായ്ക്കളുടെ അക്രമണത്തിന് ഇരയാകുന്നു. തെരുവുനായ് ശല്യം തടയുന്നതിന് പഞ്ചായത്ത് അധികൃതർ നടപടി സ്വീകരിക്കണമെന്ന് തുരുത്ത് സമന്വയ ഗ്രാമവേദി ആവശ്യപ്പെട്ടു.