നാടൻ കലാമേളയിൽ കോഴിയെ കൊന്നത് വിവാദത്തിൽ; പ്രതിഷേധവുമായി നഗരസഭ ചെയർമാൻ പറവൂർ: നാടൻ കലാമേളയിൽ പരിപാടിയുടെ ഭാഗമായി കോഴിയെ കൊന്ന് പച്ചക്ക് ഭക്ഷിക്കുന്നത് വേദിയിൽ അവതരിപ്പിച്ചത് വിവാദമായി. സംഭവത്തിനെതിരെ നഗരസഭ ചെയർമാൻ രമേഷ് ഡി. കുറുപ്പ് പ്രതിഷേധവുമായി രംഗത്ത് വന്നു. ഇ.എം.എസ് സാംസ്കാരിക പഠനകേന്ദ്രവും കേരള ഫോക്ലോർ അക്കാദമിയും ചേർന്നാണ് അംബേദ്കർ പാർക്കിൽ നാടൻ കലാമേള സംഘടിപ്പിച്ചത്. ഉത്തരമലബാറിലെ നിണബലി എന്ന തെയ്യം കലാരൂപമാണു കണ്ണൂർ സരിത് ബാബുവും സംഘവും അവതരിപ്പിച്ചത്. ഇതിലെ ഒരുരംഗത്തിലാണ് ജീവനുള്ള കോഴിയെ വേദിയിൽവെച്ച് കൊന്നുഭക്ഷിച്ചത്. പൊതുവേദിയിൽ ഇത്തരമൊരു പരിപാടി നടത്തിയത് അധാർമികമാെണന്ന് ചെയർമാൻ പറഞ്ഞു. ഫോക്ലോർ അക്കാദമി അംഗീകരിച്ച ഉത്തരമലബാറിൽ പ്രചാരത്തിലുള്ള അനുഷ്ഠാന കലാരൂപമാണ് അവതരിപ്പിച്ചതെന്ന് പഠനകേന്ദ്രം ഭാരവാഹികൾ പറഞ്ഞു. ഒട്ടേറെ വേദികളിൽ ഇതേസംഘം നിണബലി അവതരിപ്പിച്ചിട്ടുണ്ടെന്നും വിവാദങ്ങൾ അനാവശ്യമാണെന്നും ഭാരവാഹികൾ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.