മൂവാറ്റുപുഴ: നഗരമധ്യത്തില് ഓടിക്കൊണ്ടിരുന്ന സ്വകാര്യ ബസില്നിന്ന് തീയും പുകയും ഉയര്ന്നത് പരിഭ്രാന്തി പരത്തി. ചൊവ്വാഴ്ച ഉച്ചക്ക് 1.30-ഓടെ മൂവാറ്റുപുഴ അരമന ജങ്ഷനിലാണ് സംഭവം. മൂവാറ്റുപുഴയില്നിന്ന് വണ്ണപ്പുറത്തിന് യാത്രക്കാരുമായി പോകുകയായിരുന്ന മീര ബസിെൻറ മുന്ഭാഗത്തുനിന്നാണ് തീയും പുകയും ഉയര്ന്നത്. തീയും പുകയും കണ്ടതോടെ യാത്രക്കാരും സമീപത്തെ വ്യാപാരികളും ബഹളം െവച്ചു. ഇതിനിടെ, ബസ് സമീപത്തെ പെട്രോള് പമ്പിലേക്ക് കയറ്റി. പരിഭ്രാന്തരായ നാട്ടുകാര് ഫയര്ഫോഴ്സിനെ വിവരമറിയിച്ചു. ബസ് പമ്പില്നിന്ന് പുറത്തിറക്കിയശേഷം ജീവനക്കാര്തന്നെ തീയണച്ചു. ഷോർട്ട് സര്ക്യൂട്ടിനെ തുടര്ന്ന് ഡീസല് ഫില്റ്ററിന് തീപിടിച്ചതാണ് തീയും പുകയും ഉയരാന് കാരണം. മൂവാറ്റുപുഴ ഫയര് ഓഫിസര് ജോണ് ജി. പ്ലാക്കിലിെൻറ നേതൃത്വത്തിലുള്ള ഫയര്ഫോഴ്സ് സംഘവും സ്ഥലത്തെത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.