കോതമംഗലം: മീറ്റിെൻറ ആദ്യ രണ്ടുദിനം പിന്നിട്ടപ്പോൾ െസൻറ് ജോർജിെൻറ സ്വന്തം തങ്ചത്തിെൻറ ചിരിക്ക് ട്രിപിൾ സ്വർണത്തിെൻറ തിളക്കം. ആൺകുട്ടികളുടെ സബ്ജൂനിയർ വിഭാഗത്തിൽ പെങ്കടുത്ത മൂന്ന് മത്സരത്തിലും സ്വർണവുമായി മണിപ്പൂർ സ്വദേശിയായ തങ്ചം മുന്നിട്ടുനിന്നത്. 100മീറ്റർ ഒാട്ടം, ലോങ് ജംപ്, ഹർഡിൽസ്, റിലേ വിഭാഗങ്ങളിലാണ് തങ്ചം സ്വർണത്തിൽ മുത്തമിട്ടത്. വ്യാഴാഴ്ച ആൺകുട്ടികളുടെ 100മീറ്റർ വിഭാഗത്തിൽ 11.9 സെക്കൻഡിെൻറ നേട്ടത്തോടെ വേഗമേറിയ താരമായ തങ്ചം അലർട്സൻ സിങ് വെള്ളിയാഴ്ച റിലേയിലും ഹർഡിൽസിലും മികവ് നിലനിർത്തി. കഴിഞ്ഞവർഷം ലോങ് ജംപിൽ സംസ്ഥാനതലത്തിൽ രണ്ടാം സ്ഥാനത്തായിരുന്ന തങ്ചം നിലവിെല റെക്കോഡായ 6.5 മീറ്റർ തകർത്ത് സബ് ജൂനിയർ ആൺകുട്ടികളുടെ ലോങ് ജംപിൽ 6.20 എന്ന പുതിയ റെക്കോഡ് ഉയർത്തുകയും ചെയ്തു. നാലുവർഷത്തോളമായി കായികരംഗത്തുള്ള തങ്ചം മണിപ്പൂരിലെ സായ് അക്കാദമിയിൽനിന്നാണ് കേരളത്തിലെത്തുന്നത്. കഴിഞ്ഞ രണ്ടുവർഷമായി െസൻറ് ജോർജ് എച്ച്.എസ്.എസിെൻറ പരിശീലകൻ രാജുപോളിെൻറ ശിഷ്യനാണ്. ഇംഫാൽ വിരിബാം സ്വദേശിയായ അമരേന്ദ്രയുടെ മകനാണ്. ചിട്ടയായ പരിശീലനത്തിലൂടെ കായികമേഖലയിൽ ഉയരങ്ങൾ സ്വപ്നം കാണുന്ന ഇൗ മിടുക്കന് പിന്തുണയുമായി പരിശീലകൻ രാജുപോളും സ്കൂൾ അധികൃതരും കൂടെയുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.