ഗാർഹിക സിലിണ്ടറിന് 49 രൂപ കൂടും ന്യൂഡൽഹി: പാചകവാതക വില കുത്തനെ ഉയർത്തി. ഗാർഹിക സിലിണ്ടറിന് 49 രൂപയാണ് കമ്പനികൾ വർധിപ്പിച്ചത്. ഇന്നലെ അർധരാത്രിയോടെ പുതിയ വില നിലവിൽവന്നു. 14.5 കിലോ സിലിണ്ടറിന് പുതിയ വില 646.50 രൂപയാണ്. 597.50 രൂപയായിരുന്നതാണ് കുതിച്ചുയർന്നത്. ഗാർഹികേതര സിലിണ്ടറിെൻറ വിലയിലും വൻ വർധന വരുത്തിയിട്ടുണ്ട്. 19 കിലോ ഗാർഹികേതര സിലിണ്ടറിന് 76 രൂപയാണ് കൂടിയത്. 1160.50 രൂപയാണ് പുതിയ വില. അടുത്ത വർഷം മാർച്ചോടെ പാചകവാതക സബ്സിഡി സമ്പൂർണമായി നിർത്തലാക്കുന്നതിനു മുന്നോടിയായി മാസം തോറും നാലുരൂപ വീതം വർധിപ്പിക്കാൻ കമ്പനികൾക്ക് നിർദേശം നൽകിയതായി നേരത്തേ വകുപ്പു മന്ത്രി ധർമേന്ദ്ര പ്രധാൻ ലോക്സഭയെ അറിയിച്ചിരുന്നു. ഇതിനു പിന്നാലെ കഴിഞ്ഞ മാസാദ്യം സിലിണ്ടറിന് ഏഴുരൂപ വർധിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.