ആലുവ: നഗരത്തിലെ കാനകള് കാല്നടക്കാര്ക്ക് കെണിയാകുന്നു. സ്ലാബില്ലാത്തതും സ്ലാബ് തകര്ന്നിരിക്കുന്നതുമായ കാനകളാണ് ദുരിതം വിതക്കുന്നത്്. നടപ്പാതകളില് ഇടക്ക് സ്ലാബുകള് ഉണ്ടാകാറില്ല. ഇതറിയാതെ നടന്നുവരുന്നവരാണ് കാനകളില് വീഴുന്നത്. ഇതിനകം നിരവധിയാളുകള്ക്ക് ഇങ്ങനെ പരിക്കുപറ്റിയിരുന്നു. വെള്ളിയാഴ്ച റെയില്വേ സ്റ്റേഷന് പരിസരത്ത് കാനയില്വീണ് യുവതിക്ക് പരിക്കുപറ്റി. ചെന്നൈക്ക് പോകാന് റെയില്വേ സ്റ്റേഷനിലേക്ക് വരുകയായിരുന്നു യുവതി. ഫുട്പാത്തിലൂടെ നടക്കുന്നതിനിടയില് സ്ലാബുകള്ക്കിടയിലെ വിടവിലൂടെ കാല് കാനയിലേക്ക് പോയി. കാല്പാദം ഉളുക്കുകയും പല ഭാഗത്തും പൊട്ടുകയുംചെയ്തു. സ്വകാര്യ ആശുപത്രിയില് ചികിത്സ തേടി. കുറച്ചുദിവസം മുമ്പ് ഇതേഭാഗത്ത് കാനയില് വീണ് ഒരാളുടെ കാല് ഒടിഞ്ഞിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.