ചേർത്തല: അരക്കോടി രൂപയുടെ നിരോധിച്ച നോട്ടുകളുമായി ചേർത്തലയിൽ പിടിയിലായ സംഘവും ആമ്പല്ലൂരിലെ ഡോക്ടറുമായുള്ള ബന്ധം സ്ഥിരീകരിക്കുന്ന തെളിവുകൾ അന്വേഷണ ഉദ്യോഗസ്ഥർക്ക് ലഭിച്ചതായി സൂചന. ഡോക്ടർ മുഖാന്തരമാണ് ഉന്നതനുമായുള്ള ബന്ധമെന്ന സംശയത്തിലാണ് പൊലീസ്. ഡോക്ടറെ ചോദ്യംചെയ്യുന്ന കാര്യത്തിൽ പൊലീസ് തീരുമാനം എടുത്തിട്ടില്ല. അതേസമയം, വിദേശത്ത് ജോലി വാഗ്ദാനം ചെയ്ത് പാസ്പോർട്ടും പണവും വാങ്ങിയ സംഭവത്തിൽ പ്രതികൾെക്കതിരെ മറ്റൊരു കേസുകൂടി രജിസ്റ്റർ ചെയ്യുന്നതിനുള്ള നീക്കവും പൊലീസ് നടത്തുന്നുണ്ട്. ചേർത്തല എക്സ്റേ കവലയിൽനിന്നാണ് ആഡംബര കാറിൽ നിരോധിച്ച 500, 1000 രൂപ നോട്ടുകളുമായി ഏഴംഗ സംഘത്തെ പൊലീസ് അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.