ആലങ്ങാട്: നിയന്ത്രണം വിട്ട കാർ വൈദ്യുതി പോസ്റ്റിലും സമീപത്തെ വീടിെൻറ മതിലിലും ഇടിച്ചു. കരുമാല്ലൂർ ആശുപത്രിപ്പടിക്ക് സമീപം ചൊവ്വാഴ്ച പുലർച്ച 12 .30 ഓടെയാണ് സംഭവം. ഇടിയുടെ ആഘാതത്തിൽ ഒടിഞ്ഞ പോസ്റ്റ് കാറിന് മുകളിലേക്ക് വീണെങ്കിലും യാത്രക്കാർക്ക് സാരമായ പരിക്കില്ല. പറവൂരിൽനിന്നും ആലുവ ഭാഗത്തേക്ക് പോകുകയായിരുന്ന കാറാണ് അപകടത്തിൽ പെട്ടത്. വാഹനത്തിൽ നാല് പേർ ഉണ്ടായിരുന്നതായി പറയുന്നു. അപകടത്തെ തുടർന്ന് ഏറെ നേരം വൈദ്യുതി തടസ്സപ്പെട്ടു. പോസ്റ്റുകൾ ഒടിഞ്ഞിട്ടുണ്ട്. താൽക്കാലിക രജിസ്ട്രേഷൻ നമ്പറോട് കൂടിയ കാറാണ്. ഉടമയെയോ യാത്രക്കാരെയോ കുറിച്ച് പൊലീസിന് വിവരം ലഭിച്ചിട്ടില്ല. സമീപത്തെ വീട്ടുകാരുടെ മൊഴിയെടുത്ത് കേസെടുത്തതായി ആലങ്ങാട് പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.