മൂവാറ്റുപുഴ: വാരപ്പെട്ടി ഗ്രാമപഞ്ചായത്തിലെ കോഴിപ്പിള്ളി സൗത്ത് 13-ാം വാർഡ് അംഗം മോഹനൻ വേലായുധെൻറ തെരഞ്ഞെടുപ്പ് മൂവാറ്റുപുഴ മുൻസിഫ് കോടതി റദ്ദാക്കി. പഞ്ചായത്ത് തെരഞ്ഞെടുപ്പിൽ മോഹനൻ വേലായുധൻ നിയമവിരുദ്ധമായി മൂന്നിൽ കൂടുതൽ നാമനിർദേശ പത്രികകൾ സമർപ്പിക്കുകയും അവ റിട്ടേണിങ് ഓഫിസർ സ്വീകരിച്ചുവെന്നും ഇതിനാൽ തെരഞ്ഞെടുപ്പ് അസ്ഥിരപ്പെടുത്തണമെന്നും കാണിച്ച് യു.ഡി.എഫ് സ്ഥാനാർഥി കെ.ജി. കുര്യാക്കോസ് നൽകിയ ഹരജിയിലാണ് ഉത്തരവ്. പതിമൂന്നംഗ പഞ്ചായത്ത് ഭരണസമിതിയിൽ എൽ.ഡി.എഫിന് ഏഴും യു.ഡി.എഫിന് ആറും അംഗങ്ങളാണുള്ളത്. കോടതി ഉത്തരവു മൂലം ഇപ്പോൾ ഭരണ-പ്രതിപക്ഷാംഗങ്ങൾ തുല്യമായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.