കാക്കനാട്: വിദ്യാര്ഥികളെ കേന്ദ്രീകരിച്ച് കഞ്ചാവ് വില്പന നടത്തിയ കേസില് ഒളിവില് കഴിഞ്ഞ പ്രതി അറസ്റ്റില്. എരുവേലി തോട്ടശ്ശേരി വീട്ടില് വിനോദാണ് (ചുണ്ടന് വിനോദ്- -38) തൃക്കാക്കര പൊലീസിെൻറ പിടിയിലായത്. ഹില്പാലസ്, അമ്പലമേട്, തൃക്കാക്കര സ്റ്റേഷനുകളിലായി അടിപിടി ഉള്പ്പെടെ 11 കേസ് ഇയാള്ക്കെതിരെയുണ്ടെന്ന് പൊലീസ് പറഞ്ഞു. കമ്പംമേട്ട് നിന്നും കഞ്ചാവെത്തിച്ച് വില്പന നടത്തുന്ന സംഘത്തിലെ കണ്ണിയാണ് പിടിയിലായത്. തൃക്കാക്കര അസി. പൊലീസ് കമീഷണര്ക്ക് ലഭിച്ച രഹസ്യ വിവരത്തിെൻറ അടിസ്ഥാനത്തില് സിറ്റി പൊലീസ് കമീഷണറുടെ പ്രത്യേക അന്വേഷണ സംഘം ചോറ്റാനിക്കര ക്ഷേത്ര പരിസരത്തുനിന്നാണ് പ്രതിയെ പിടികൂടിയത്. നിരവധി കഞ്ചാവ് കേസുകളില് പ്രതിയായ ഇയാള് 2006 മുതല് പൊലീസിനെ കബളിപ്പിച്ച് കഴിയുകയായിരുന്നു. തൃക്കാക്കര എസ്.ഐ എ.എന്. ഷൈജുവിെൻറ നേതൃത്വത്തില് എ.എസ്.ഐ ബാബു, സി.പി.ഒമാരായ വി. ശ്യാം കുമാര്, മാഹിന് അബൂബക്കര്, അബി മാത്യു എന്നിവര് ചേര്ന്നാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.