മഞ്ചേശ്വരം: ബന്തിയോട്ടെ മെഡിക്കല് ഷോപ്പില്നിന്ന് മദ്യം പിടികൂടി. ജീവനക്കാരനായ കുമ്പള സൂരംബയലിലെ ഉദയകുമാറിനെ (40) കുമ്പള എക്സൈസ് ഇന്സ്പെക്ടര് റോബിന്ബാബു അറസ്റ്റ് ചെയ്തു. 50 പാക്കറ്റ് ഇന്ത്യന് നിര്മിത കര്ണാടക വിദേശമദ്യമാണ് പിടികൂടിയത്. തിങ്കളാഴ്ച രാത്രി എട്ടുമണിയോടെ കുമ്പള എക്സൈസ് ഇന്സ്പെക്ടര് പി.ജെ. റോബിന്ബാബുവിെൻറ നേതൃത്വത്തില് വേഷം മാറിയെത്തിയ എക്സൈസ് സംഘമാണ് മദ്യം പിടികൂടിയത്. മെഡിക്കല് ഷോപ്പ് കേന്ദ്രീകരിച്ച് മദ്യവില്പന നടത്തുന്നതായി രഹസ്യ വിവരം ലഭിച്ചതിെൻറ അടിസ്ഥാനത്തിലാണ് എക്സൈസ് എത്തിയത്. അസിസ്റ്റൻറ് എക്സൈസ് ഇന്സ്പെക്ടര് എം.വി. ബാബുരാജന്, സിവില് എക്സൈസ് ഓഫിസര്മാരായ എം.വി. സുജിത്ത്, കെ.വി. പ്രജിത്ത്കുമാര്, ഡ്രൈവര് മൈക്കിള് ജോസഫ് എന്നിവരും അന്വേഷണ സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.