ചെറുകുന്ന്: വഞ്ചനേക്കസിലെ പ്രതി അറസ്റ്റിൽ. കണ്ണൂർ താണ മാണിക്കക്കാവ് സ്വദേശി മലായി നവാസ് എന്നറിയപ്പെടുന്ന മുഹ മ്മദ് നവാസാണ് (41) അറസ്റ്റിലായത്. കണ്ണപുരം പൊലീസ് ബംഗളൂരുവിൽെവച്ചാണ് പ്രതിയെ അറസ്റ്റ് ചെയ്തത്. ബിസിനസിൽ പങ്കാളിയാക്കാമെന്നുപറഞ്ഞ് കണ്ണപുരം മൊട്ടമ്മലിലെ ടി.പി. ആരിഫിനോട് 30 ലക്ഷം രൂപ വാങ്ങി കബളിപ്പിക്കുകയായിരുന്നു. 2017 സെപ്റ്റംബറിലാണ് കേസിനാസ്പദമായ സംഭവം. രഹസ്യവിവരത്തെ തുടർന്നാണ്, ബംഗളൂരുവിലെ ഡോളേഴ്സ് കോളനിയിൽ ഒളിവിൽ കഴിയുകയായിരുന്ന പ്രതിയെ കസ്റ്റഡിയിലെടുത്തത്. സി.പി.ഒ ഷാജു തോമസ്, എസ്.സി.പി.ഒ എൻ. മനേഷ്, എസ്.ഐ മധുസൂദനൻ എന്നിവർ ചേർന്നാണ് പ്രതിയെ പിടികൂടിയത്. പ്രതിയെ കണ്ണൂർ ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.