കണ്ണൂർ: പയ്യാമ്പലത്തിന് സമീപം പള്ളിയാംമൂലയിൽ കർണാടക സ്വദേശിയായ യുവാവ് കടലിൽ മുങ്ങിമരിച്ചു. ബംഗളൂരുവിൽനിന്ന ് വിനോദയാത്രക്കെത്തിയ സംഘത്തിലെ വിജയരാജാണ് (28) മരിച്ചത്. ഞായറാഴ്ച ഉച്ച 12.30ഓടെയായിരുന്നു സംഭവം. സംഘത്തിലുള്ള കുട്ടി തിരയിൽപെട്ടപ്പോൾ രക്ഷിക്കാനുള്ള ശ്രമത്തിനിടെയാണ് വിജയരാജ് അപകടത്തിൽപെട്ടത്. പയ്യാമ്പലത്തുനിന്ന് രണ്ടു കിലോമീറ്റർ അകലെയായിരുന്നു അപകടം. നാട്ടുകാർ കൺട്രോൾ റൂമിൽ വിവരം അറിയിച്ചതിനെ തുടർന്ന് െപാലീസും പയ്യാമ്പലത്തുള്ള ലൈഫ്ഗാർഡുമാരും സ്ഥലത്തെത്തി പുറത്തെടുത്ത് പ്രഥമ ശുശ്രൂഷ നൽകി. എ.കെ.ജി ആശുപത്രിയിൽ എത്തിക്കുമ്പോഴേക്കും മരിച്ചിരുന്നു. കുടുംബസമേതമെത്തിയ സംഘത്തിൽ പത്തിലേറെപ്പേർ ഉണ്ടായിരുന്നു. വിജയരാജിെൻറ മൃതദേഹം പിന്നീട് ജില്ല ആശുപത്രിയിലേക്ക് മാറ്റി. ലൈഫ്ഗാർഡുമാരായ കെ. രാഹുൽ, ഡേവിഡ് ജോൺസൺ എന്നിവർ രക്ഷാപ്രവർത്തനത്തിന് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.