കണ്ണപുരം: പിലാത്തറ-പാപ്പിനിശ്ശേരി കെ.എസ്.ടി.പി റോഡിൽ കണ്ണപുരം പാലത്തിനു സമീപം തള്ളിയ ബാർബർ ഷോപ്പ് മാലിന്യം കണ്ണപുരം പൊലീസ് തിരികെയെടുപ്പിച്ച് പിഴ ഈടാക്കി. ശനിയാഴ്ച രാവിലെയാണ് കണ്ണപുരം പാലത്തിനു സമീപം മാലിന്യം തള്ളിയതായി ശ്രദ്ധയിൽപെട്ടത്. മാലിന്യം നിറച്ച ചാക്കിൽനിന്ന് കിട്ടിയ ബാങ്ക് അക്കൗണ്ട് സ്ലിപ്പിൽനിന്ന് ലഭ്യമായ സൂചന പ്രകാരം ബാങ്കുമായി ബന്ധപ്പെട്ടാണ് മാലിന്യം തള്ളിയവരെ പിടികൂടിയത്. മുഹമ്മദ് സാജിദ് (19), പഴയങ്ങാടി സ്വദേശി പാപ്പിനിശ്ശേരി വെസ്റ്റ് ഇല്ലിപ്പുറം അറബി കോളജിന് സമീപം ബാർബർ ഷോപ്പ് കടയുടമ യു.കെ.പി. ജംഷീർ (32) എന്നിവർക്കെതിരെയാണ് കണ്ണപുരം എസ്.എച്ച്.ഒ മഹേഷ് കെ. നായർ, എസ്.ഐ ടി. രവീന്ദ്രൻ, എ.എസ്.ഐ ചന്ദ്രശേഖർ, എസ്.സി.പി.ഒമാരായ സതീശൻ, ശ്രീകുമാർ എന്നിവരടങ്ങിയ സംഘം നടപടിയെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.