കണ്ണൂർ: ഒടുവിൽ ഹാൻവീവ് ജീവനക്കാർക്ക് ശമ്പളം ലഭിച്ചു. 'മാധ്യമം' വാർത്തയെ തുടർന്നാണ് നടപടി. കുറച്ചു മാസങ്ങളായി ഗഡുക്കളായി നൽകിയിരുന്ന ശമ്പളം ഇന്നലെ മുഴുവൻ തുകയായിത്തന്നെ ജീവനക്കാരുടെ അക്കൗണ്ടുകളിലെത്തി. ശമ്പളത്തിെൻറ പകുതി കൊടുക്കാനായിരുന്നു ആദ്യം തീരുമാനിച്ചത്. എന്നാൽ, പിന്നീട് മുഴുവൻ ശമ്പളവും നൽകുന്നതിനുള്ള നടപടി സ്വീകരിക്കുകയായിരുന്നു. സംസ്ഥാനസർക്കാറിെൻറ സൗജന്യ യൂനിഫോം പദ്ധതിയുൾപ്പെടെ കടുത്ത ജോലികൾ ചെയ്തിട്ടും ജീവനക്കാരെ അവഗണിച്ച് ശമ്പളം വൈകുന്നത് 'മാധ്യമം' റിപ്പോർട്ട്ചെയ്തിരുന്നു. യൂനിഫോം പദ്ധതിയുടെ ഭാഗമായി സംസ്ഥാന സർക്കാർ ഹാൻവീവിന് കോടികളാണ് നൽകാനുള്ളത്. ഇൗ പണം ലഭിക്കാതായതോടെ ശമ്പളവിതരണമടക്കം പ്രതിസന്ധിയിലാവുകയായിരുന്നു. കഴിഞ്ഞമാസം മൂന്ന് ഗഡുക്കളായാണ് ശമ്പളം ജീവനക്കാർക്ക് ലഭിച്ചത്. ബാങ്ക് ലോൺ ഉൾപ്പെടെയുള്ള അടവുകളും മറ്റും അടക്കുന്നതിനും പലരും പ്രയാസപ്പെട്ടിരുന്നു. ശമ്പളം ഇനിയും വൈകുകയാണെങ്കിൽ പ്രതിഷേധിക്കുന്നതിനും ഒരുവിഭാഗം ജീവനക്കാർ തീരുമാനിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.