ഇ​ത്ത​വ​ണ​യും ആ​ദ്യ വോ​ട്ട​റാ​യി കെ.​പി. മോ​ഹ​ന​ൻ

പാ​നൂ​ർ: പ​തി​വു​തെ​റ്റി​ക്കാ​തെ ഇ​ത്ത​വ​ണ​യും ആ​ദ്യ വോ​ട്ട​റാ​യി വോ​ട്ട് രേ​ഖ​പ്പെ​ടു​ത്തി കെ.​പി. മോ​ഹ​ന​ൻ എം.​എ​ൽ.​എ.വീ​ട്ടി​ന​ടു​ത്തു​ള്ള പു​ത്തൂ​ർ ഇ​സ് ലാം ​ഹ​യാ​ത്തു​ൽ മ​ദ്റ​സ​യി​ലെ ഒ​ന്നാം ന​മ്പ​ർ ബൂ​ത്തി​ലാ​ണ് സ​മ്മ​തി​ദാ​ന അ​വ​കാ​ശം വി​നി​യോ​ഗി​ച്ച​ത്. അ​തി​രാ​വി​ലെ ബൂ​ത്തി​ലെ​ത്തി വ​രി​നി​ന്നാ​ണ് വോ​ട്ട് രേ​ഖ​പ്പെ​ടു​ത്തി​യ​ത്. പാ​നൂ​രി​ന​ടു​ത്ത കു​ന്നോ​ത്തു പ​റ​മ്പ് പ​ഞ്ചാ​യ​ത്തി​ലെ വാ​ർ​ഡ് 15ലെ ​വോ​ട്ട​റാ​ണ് കെ.​പി. മോ​ഹ​ന​ൻ.

നി​യ​മ​സ​ഭ​യി​ൽ മ​ത്സ​രി​ക്കു​മ്പോ​ഴും ബൂ​ത്തി​ൽ ആ​ദ്യ വോ​ട്ട​റാ​യി വോ​ട്ടു​രേ​ഖ​പ്പെ​ടു​ത്തി​യാ​ണ് മ​റ്റി​ട​ങ്ങ​ളി​ൽ സ​ന്ദ​ർ​ശ​നം ന​ട​ത്താ​റ്. ത​ദ്ദേ​ശ തെ​ര​ഞ്ഞെ​ടു​പ്പി​ലും ആ ​പ​തി​വി​ൽ മാ​റ്റം വ​രു​ത്തി​യി​ല്ല. ഈ ​തെ​ര​ഞ്ഞെ​ടു​പ്പി​ലും എ​ൽ.​ഡി.​എ​ഫ് ച​രി​ത്ര വി​ജ​യം നേ​ടു​മെ​ന്ന് കെ.​പി. മോ​ഹ​ന​ൻ വോ​ട്ട് രേ​ഖ​പ്പെ​ടു​ത്തി​യ ശേ​ഷം മാ​ധ്യ​മ​ങ്ങ​ളോ​ട് പ​റ​ഞ്ഞു.

സ​ർ​ക്കാ​ർ ന​ട​പ്പാ​​ക്കു​ന്ന പ​ദ്ധ​തി​ക​ൾ ജ​ന​ങ്ങ​ൾ ഏ​റ്റെ​ടു​ത്തു​വെ​ന്നും അ​തി​ന്റെ വി​ധി​യെ​ഴു​ത്ത് ഈ ​തെ​ര​ഞ്ഞെ​ടു​പ്പി​ൽ കാ​ണാ​നാ​വു​മെ​ന്നും മോ​ഹ​ന​ൻ പ​റ​ഞ്ഞു. ജി​ല്ല പ​ഞ്ചാ​യ​ത്ത് കൊ​ള​വ​ല്ലൂ​ർ ഡി​വി​ഷ​ൻ എ​ൽ.​ഡി.​എ​ഫ് സ്ഥാ​നാ​ർ​ഥി ര​വീ​ന്ദ്ര​ൻ കു​ന്നോ​ത്ത്, മു​ൻ കു​ന്നോ​ത്ത് പ​റ​മ്പ് പ​ഞ്ചാ​യ​ത്ത് പ്ര​സി​ഡ​ന്റ് ക​രു​വാ​ങ്ക​ണ്ടി ബാ​ല​ൻ എ​ന്നി​വ​രും കൂ​ടെ​യു​ണ്ടാ​യി​രു​ന്നു.