സഹോദര​നെയും ഭാര്യയെയും വെടിവെച്ചു​കൊന്ന്​ വയോധികൻ ജീവനൊടുക്കി

മടിക്കേരി: സഹോദരനെയും ഭാര്യയെയും വെടിവെച്ചുകൊന്ന് വയോധികൻ ജീവനൊടുക്കി. വീരാജ്പേട്ട റോഡിൽ കിഗ്ഗാലു ഗ്രാമത്തിലെ ദേവയ്യ (66), ദേവയ്യയുടെ ഭാര്യ പ്രേമ ദേവമ്മ (53) എന്നിവരെയാണ് പളങ്കിയണ്ട യു. തമ്മയ്യ (62) വെടിവെച്ചുകൊന്നത്. രണ്ടുപേരുടെയും മരണം ഉറപ്പാക്കിയ ശേഷം ഇയാൾ സ്വയം വെടിവെക്കുകയായിരുന്നു. തമ്മയ്യയെ മടിക്കേരി ജില്ല ആശുപത്രിയിലേക്ക് കൊണ്ടുപോകും വഴി മരിച്ചു. ശനിയാഴ്ച ഉച്ചക്കാണ് സംഭവം. സ്വത്തു തർക്കമാണ് കാരണമെന്ന് പറയപ്പെടുന്നു. മൂർനാട് പൊലീസ് കേസെടുത്തു. മൃതദേഹങ്ങൾ മടിക്കേരി ജില്ല ജനറൽ ആശുപത്രിയിൽ ഇൻക്വസ്റ്റ് നടത്തി.