റോഡ് തകർന്നു; യാത്ര ദുരിതമയം

പാപ്പിനിശ്ശേരി: ഹാജി റോഡ്‌ വഴി ഇല്ലിപ്പുറം കച്ചേരിത്തറ ഭാഗത്തേക്ക് പോകുന്ന പാപ്പിനിശ്ശേരി-ഇല്ലിപ്പുറം റോഡ് പൂർണമായും തകർന്നു. മഴക്കാലം തുടങ്ങിയതുമുതൽ ഇതുവഴിയുള്ള കാൽനടപോലും ദുഷ്കരമായിരിക്കുകയാണ്. ഹാജി റോഡ് മുതൽ ഏതാണ്ട് 10 മീറ്ററോളം ദൂരത്ത് പൂർണമായും പൊട്ടിപ്പൊളിഞ്ഞനിലയിലാണ്. നിത്യേന ഏഴിലധികം ബസുകളും നൂറോളം വാഹനങ്ങളും കടന്നുപോകുന്ന തിരക്കേറിയ റോഡാണിത്. വർഷങ്ങളായി അറ്റകുറ്റപ്പണി നടത്താത്തതിനാൽ റോഡി​െൻറ പലഭാഗവും തകർന്നനിലയിലാണ്. റോഡി​െൻറ ഇരുവശവും ബാങ്ക് അടക്കം നിരവധി കച്ചവടസമുച്ചയങ്ങളും പ്രവർത്തിച്ചുവരുന്നുണ്ട്. റോഡ് അടിയന്തരമായും അറ്റകുറ്റപ്പണി നടത്തി യാത്രായോഗ്യമാക്കണമെന്നാണ് നാട്ടുകാരും കച്ചവടക്കാരും ആവശ്യപ്പെടുന്നത്.