പയ്യന്നൂർ: മലയാളികളുടെ മനസ്സിൽ വിപ്ലവത്തിെൻറ തീജ്വാലകൾ പടർത്തിയ 'ബലികുടീരങ്ങളേ...' എന്ന വിപ്ലവഗാനത്തിന് 60 വയസ്സ്. പോരാട്ടസ്മരണകളിരമ്പുന്ന വരികൾ 60 പേർ ഏറ്റുപാടിയപ്പോൾ പയ്യന്നൂരിന് പുതിയ പാട്ടനുഭവമായി. പുരോഗമന കലാസാഹിത്യസംഘം സംഘടിപ്പിച്ച 'ഗാന്ധി മുതൽ ഗൗരി വരെ' പ്രതിഷേധസദസ്സിനോടനുബന്ധിച്ചാണ് സമരപുളകത്തിെൻറ ഓർമകൾ ത്രസിപ്പിക്കുന്ന ഗാനം ആലപിച്ചത്. വൈകീട്ട് അഞ്ചിന് പയ്യന്നൂർ ടൗൺസ്ക്വയറിൽ പ്രതിഷേധസദസ്സ് അശോകൻ ചെരുവിൽ ഉദ്ഘാടനംചെയ്തു. തുടർന്ന് 'ബലികുടീരങ്ങളേ...' എന്ന കേരളത്തെ പാടിയുണർത്തിയ വയലാറിെൻറ വിപ്ലവഗാനം പഴയ തലമുറയിലെയും പുതിയവരുമായ നൂറ് പാട്ടുകാർ പാടുകയായിരുന്നു. വയലാർ-ദേവരാജൻ കൂട്ടുകെട്ടിെൻറ ആദ്യഗാനം കൂടിയായിരുന്നു ഈ പടപ്പാട്ട്. പ്രതിഷേധസദസ്സിൽ കെ. ജനാർദനൻ അധ്യക്ഷതവഹിച്ചു. പി. അപ്പുക്കുട്ടൻ സംസാരിച്ചു. കെ.വി. പ്രശാന്ത്കുമാർ സ്വാഗതം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.